PFI सदस्यांची तपास संस्थांना कबुली : मुस्लिम ब्रदरहूडसारखी संघटना बनायचे होते|Confessions of PFI members to investigative agencies Wanted to become an organization like the Muslim Brotherhood

PFI सदस्यांची तपास संस्थांना कबुली : मुस्लिम ब्रदरहूडसारखी संघटना बनायचे होते

वृत्तसंस्था

नवी दिल्ली : भारतात पीएफआयसारख्या संघटनेची १६ वर्षांपूर्वी स्थापना झाली होती. या संघटनेने २२ राज्यांत पाय पसरवले होते. भारतात मुस्लिम ब्रदरहूडसारखी संघटना तयार करणे असा पीएफआयचा उद्देश होता. मुस्लिम ब्रदरहूडने वापरलेल्या पद्धत पीएफआयने संघटना वाढवण्यासाठी वापरल्या, अशी कबुली पीएफआयच्या अटकेतील १०० हून जास्त सदस्यांनी विविध तपास संस्थांसमोर दिली.Confessions of PFI members to investigative agencies Wanted to become an organization like the Muslim Brotherhood

सुरक्षा तपास अधिकाऱ्यांनी अटकेतील आरोपींची चौकशी केली. सोळा वर्षांपूर्वी दोन संघटनांच्या विलीनीकरणातून पीएफआयची स्थापना झाली. मुस्लिम ब्रदरहूड संघटनेच्या धर्तीवर ही संघटना कार्य करेल, असे त्याच वेळी ठरवण्यात आले होते. ही संघटना केरळ ते काश्मीरपर्यंत २२ राज्यांत पसरली आहे. या संघटनेच्या संकेतस्थळाची निर्मिती विशेष पद्धतीने करण्यात आली आहे. संकेतस्थळ अगदी सामान्य दिसते.

केरळ पोलीसांचे तब्बल 873 अधिकारी, कर्मचारी PFI चे हस्तक; NIA चा धक्कादायक खुलासा!

गरिबांच्या मदतीसाठी काम करणारे व विशिष्ट समुदायाला एकत्र करण्याच्या उद्देशाने हे सुरू केल्याचे भासते. केंद्र सरकारने २८ सप्टेंबरला पीएफआयवर यूएपीए अंतर्गत पाच वर्षांसाठी बंदीचे आदेश दिले आहेत.

काय आहे मुस्लिम ब्रदरहूड?

कट्टर सुन्नी मुस्लिम संघटनेची स्थापना 1928 मध्ये इजिप्तमध्ये झाली होती. दुसऱ्या महायुद्धानंतर ही संघटना मध्यपूर्वेत पसरली. संघटनांचे युरोपसह उत्तर अमेरिकेतील अनेक देशांत कार्यालये आहेत.