BJDचे खासदार प्रभास कुमार सिंह यांनी भाजपमध्ये केला प्रवेश!

By, Pravin Wankhade - April 15, 2024 08:30:36

0

पक्ष सोडण्याचे कारणही सांगितले आहे

विशेष प्रतिनिधी

नवी दिल्ली : लोकसभा निवडणुकीच्या पहिल्या टप्प्याच्या काही दिवस आधी बीजेडीचे माजी खासदार प्रभास कुमार सिंह यांनी आज भाजपमध्ये प्रवेश केला. बीजेडी सोडून भाजपमध्ये येण्याचे कारणही प्रभास यांनी सांगितले आणि पंतप्रधान मोदींच्या कामामुळे मी खूप प्रभावित झाल्याचे ते म्हणाले. यासोबतच प्रभास यांनी ओडिशाचे मुख्यमंत्री बिजू पटनायक यांच्या नेतृत्वाखालील पक्षावरही टीका केली.BJD MP Prabhas Kumar Singh joins BJP

पंतप्रधान निधीसाठी २५ कोटी देणारा अक्षयकुमार हार्टफुलनेस इंडेक्समध्ये प्रथम स्थानावर

प्रभास म्हणाले की बिजू जनता दलात (बीजेडी) “सन्मान आणि स्वाभिमान” नाही. यासोबतच पक्ष मुख्यालयात भाजप नेत्यांसोबत संयुक्त पत्रकार परिषदेला संबोधित करताना प्रभास कुमार सिंह म्हणाले की, जगातील सर्वात मोठ्या राजकीय पक्षात सामील होऊन मला खूप आनंद होत आहे.

‘हा माझ्यासाठी खास क्षण आहे. पंतप्रधान नरेंद्र मोदी यांच्या व्यक्तिमत्त्वाने मी खूप प्रभावित झालो आहे. मी बिजू जनता दल सोडला आहे कारण तिथे स्वाभिमान आणि प्रतिष्ठा शिल्लक नाही. पक्षात ओरिया अस्मिता, कला संस्कृती आणि वारसा यांचा आदर केला जात नाही.’ असा आरोपही प्रभास कुमार सिंह यांनी केला आहे.