''आता आम्ही आणखी हल्ले करणार नाही, मात्र इस्रायल..." हल्ल्यानंतर इराणने जारी केले निवेदन |We will not make any more attacks, only Iran has said that it will respond to Israel's attacks.

”आता आम्ही आणखी हल्ले करणार नाही, मात्र इस्रायल…” हल्ल्यानंतर इराणने जारी केले निवेदन

भारताने दोन्ही देशांना संयम बाळगण्याचा सल्ला दिला आहे.

विशेष प्रतिनिधी

नवी दिल्ली : इराणने इस्रायलवर ड्रोन आणि क्षेपणास्त्रांनी केलेल्या हल्ल्यानंतर दोन्ही देशांमधील तणाव लक्षणीयरित्या वाढला आहे. मात्र, आमचा हल्ला संपला असून आम्हाला तो सुरू ठेवायचा नाही, असे इराणचे म्हणणे आहे, मात्र इस्रायलने आमच्या हितसंबंधांना लक्ष्य केले तर आम्ही जोरदार प्रत्युत्तर देऊ असा इशाराही दिला आहे.We will not make any more attacks, only Iran has said that it will respond to Israel’s attacks.

इराणचा इस्रायलवर हवाई हल्ला; 200 ड्रोन आणि क्षेपणास्त्रे डागली, इस्रायलच्या लष्करी तळाचे नुकसान

इराणने 1 एप्रिल रोजी दमास्कसमधील त्याच्या वाणिज्य दूतावासावर इस्रायलच्या संशयित हवाई हल्ल्याला उत्तर म्हणून इस्रायलवर शेकडो ड्रोन आणि क्षेपणास्त्रे डागली आहेत. आता इस्रायलही या हल्ल्याला प्रत्युत्तर देण्याची योजना आखत आहे. इराणच्या या हल्ल्याचा अमेरिकेने निषेध केला असून भारताने दोन्ही देशांना संयम बाळगण्याचा सल्ला दिला आहे.

सीरियाची राजधानी दमास्कसमध्ये इस्रायलने इराणच्या ठाण्यांवर हल्ला केल्याने दोन्ही देशांमध्ये तणाव निर्माण झाला होता. ज्यामध्ये इराणचा टॉप कमांडर मारला गेला. यानंतर तेहरानने इस्रायलला या हवाई हल्ल्याचे गंभीर परिणाम भोगावे लागतील असा इशारा दिला. यानंतर शनिवारी रात्री इराणने इस्रायलवर ड्रोन आणि क्षेपणास्त्रांनी हल्ला केला.

तर, भारतीय परराष्ट्र मंत्रालयाने म्हटले आहे की, “इस्रायल आणि इराणमधील वाढत्या शत्रुत्वामुळे आम्ही अत्यंत चिंतित आहोत. यामुळे या भागातील शांतता आणि सुरक्षा धोक्यात आली आहे.” मंत्रालयाने जारी केलेल्या निवेदनात म्हटले आहे की, “आम्ही तत्काळ तणाव कमी करणे, संयम बाळगणे, हिंसाचार टाळणे आणि मुत्सद्देगिरीच्या मार्गावर परत जाण्याचे आवाहन करतो.”