मोझांबिकमध्ये बोट बुडून तब्बल 91 जणांचा मृत्यू; 130 जण होते स्वार, अनेक जण बेपत्ता|As many as 91 dead in Mozambique boat sinking; 130 people were on board, many missing

मोझांबिकमध्ये बोट बुडून तब्बल 91 जणांचा मृत्यू; 130 जण होते स्वार, अनेक जण बेपत्ता

वृत्तसंस्था

नवी दिल्ली : पूर्व आफ्रिकन देश मोझांबिकमध्ये रविवारी रात्री उशिरा एक बोट बुडाली. या अपघातात 91 जणांचा मृत्यू झाला. त्यापैकी अनेक मुले आहेत. आकडा वाढण्याची शक्यता आहे.As many as 91 dead in Mozambique boat sinking; 130 people were on board, many missing

ब्रिटिश मीडिया बीबीसीच्या म्हणण्यानुसार, मासेमारीच्या बोटीवर 130 लोक होते, जे तिच्या क्षमतेपेक्षा जास्त होते. यापैकी आतापर्यंत ५ जणांना वाचवण्यात यश आले आहे. अनेकजण बेपत्ता आहेत.

SCO परराष्ट्रमंत्र्यांची आजपासून गोव्यात बैठक, एस# जयशंकर चिनी आणि रशियन समकक्षांची भेट घेणार

हे लोक मोझांबिकच्या नामपुला प्रांतातील लुंगा शहरातून मोझांबिकच्या मुख्य बेटावर जात होते. कॉलरा आजार टाळण्यासाठी सर्वजण स्थलांतर करत असल्याचे अधिकाऱ्यांनी सांगितले.

या घटनेशी संबंधित व्हिडिओ सोशल मीडियावर व्हायरल होत आहे. यामध्ये लोकांची सुटका करण्यात येत असून समुद्राच्या किनाऱ्यावर अनेक मृतदेह दिसत आहेत.

नामपुला प्रांत हा कॉलराच्या प्रादुर्भावामुळे सर्वाधिक प्रभावित झालेल्या प्रांतांपैकी एक आहे. जानेवारी २०२३ पासून हा रोग दक्षिण आफ्रिकेतील अनेक देशांमध्ये पसरला आहे. कॉलरा पसरण्याचे मुख्य कारण म्हणजे दूषित अन्न आणि पाणी. वेळेवर उपचार न केल्यास, काही तासांत मृत्यू होऊ शकतो.

युनिसेफच्या मते, सध्याचा उद्रेक 25 वर्षांतील सर्वात प्राणघातक आहे. ऑक्टोबर 2023 पासून मोझांबिकमध्ये कॉलराची 13,700 प्रकरणे आढळून आली आहेत. तर 30 जणांचा मृत्यू झाला आहे.

सुमारे 400 वर्षे, मोझांबिक बेट पोर्तुगीज पूर्व आफ्रिकेची राजधानी होती. या बेटाचा वसाहती वास्तुकलेसाठी युनेस्कोच्या जागतिक वारसा स्थळांच्या यादीत समावेश करण्यात आला आहे.