देशभरात आजपासून अमूल दूध महागले, लिटरमागे 2 रुपयांची वाढ, जाणून घ्या नवे दर|Amul milk becomes more expensive across the country from today, increase by Rs 2 per litre, know the new price

देशभरात आजपासून अमूल दूध महागले, लिटरमागे 2 रुपयांची वाढ, जाणून घ्या नवे दर

वृत्तसंस्था

नवी दिल्ली : सोमवारपासून म्हणजेच 2 जूनपासून देशभरात अमूल दुधाच्या दरात 2 रुपयांनी वाढ करण्यात आली आहे. अमूल गोल्ड, अमूल शक्ती, अमूल टी स्पेशल दुधाच्या दरात वाढ करण्यात आली आहे. आता अमूल गोल्डची किंमत 64 रुपये/लिटरवरून 66 रुपये/लिटर होणार आहे. तर अमूल टी स्पेशलची किंमत 62 रुपयांवरून 64 रुपये प्रति लिटरपर्यंत वाढणार आहे.Amul milk becomes more expensive across the country from today, increase by Rs 2 per litre, know the new price

याबाबत अमूलने सांगितले की, वाढलेल्या किमती केवळ 3-4% ची वाढ आहे, जी अन्नधान्याच्या महागाईपेक्षा खूपच कमी आहे. फेब्रुवारी 2023 पासून किमती वाढल्या नव्हत्या, त्यामुळे वाढ आवश्यक होती. दूध उत्पादन आणि ऑपरेशन खर्चात वाढ झाल्यामुळे ही किंमत वाढल्याचा दावा अमूलने केला आहे. गेल्या वर्षी अमूलच्या दूध संघांनी शेतकऱ्यांच्या दरात सरासरी 6 ते 8 टक्क्यांनी वाढ केली होती. अमूलच्या धोरणानुसार, ग्राहकांनी भरलेल्या 1 रुपयांपैकी 80 पैसे दूध उत्पादकाला जातात.

हिमंता सरमांनी राहुल गांधी अन् प्रियंका गांधींच संबोधल ‘अमूल बेबी’, म्हणाले…

याशिवाय दह्याचे भावही वाढले आहेत. या संदर्भात अमूलकडून कोणतीही अधिकृत माहिती देण्यात आलेली नाही, परंतु गुजरात कोऑपरेटिव्ह मिल्क मार्केटिंग फेडरेशन (GCMMF) ने आपल्या वितरकांना नवीन किमतींसह एक यादी पाठवली आहे, ज्यामुळे ही बातमी समोर आली आहे.

‘गुजरातमध्ये 2023 मध्येही वाढ झाली’

याआधी एप्रिल 2023 मध्ये देखील अमूलने गुजरातमध्ये दुधाचे दर वाढवले होते. गुजरात कोऑपरेटिव्ह मिल्क मार्केटिंग फेडरेशनने (GCMMF) राज्यभरात अमूल दुधाच्या दरात प्रतिलिटर 2 रुपयांनी वाढ केली आहे. 2023 मध्ये वाढ झाल्यानंतर अमूलच्या दुधाचा (म्हैस) दर आता 68 रुपये प्रति लिटर झाला आहे.

त्याचवेळी अमूल गोल्डचा भाव 64 रुपये प्रति लिटरवर पोहोचला होता. अमूल शक्तीचा भाव प्रतिलिटर 58 रुपये झाला होता. त्याचवेळी अमूलच्या ताज्या दुधाच्या दरातही वाढ झाली असून, ते प्रति लिटर 52 रुपयांवर पोहोचले आहेत.