Tata Group : ‘IMA’च्या आवाहनानंतर टाटा ग्रुपची ‘त्या’ वैद्यकीय विद्यार्थ्यांच्या कुटुंबीयासाठी मोठी घोषणा

By, Pravin Wankhade - June 14, 2025 07:00:19

0

इंडियन मेडिकल असोसिएशनच्या गुजरात राज्य शाखेने टाटा सन्सचे अध्यक्ष एन. चंद्रशेखरन यांना पत्र पाठवले होती.

विशेष प्रतिनिधी

नवी दिल्ली – Tata Group अहमदाबादेतील एअर इंडियाच्या विमान अपघाताने संपूर्ण देश हादरून गेला आहे. १२ जून रोजी झालेल्या या भयानक अपघातात २७४ जणांचा मृत्यू झाला. मृतांमध्ये केवळ विमानातील प्रवासीच नव्हते तर विमान ज्या इमारतीला धडकले तेथील वैद्यकीय विद्यार्थ्यांसह अन्य काही जणांचाही समावेश होता.Tata Group

अहमदाबादमधील या विमान अपघाताचा फटका बीजे मेडिकल कॉलेजच्या अनेक विद्यार्थ्यांना बसला, त्यापैकी काहीजण जखमी झाले आणि काहींना आपला जीवही गमवावा लागला. या दुःखद घटनेनंतर आता या विद्यार्थ्यांना आणि त्यांच्या कुटुंबियांना मदतीची मागणी जोर धरू लागली आहे.

ठाकरे ब्रँड कुणी मोडू नाही शकत हे खरं, पण राज ठाकरे इतरांना त्या ब्रँडशी खेळू का देतायेत??

इंडियन मेडिकल असोसिएशनच्या (आयएमए) गुजरात राज्य शाखेने शनिवारी टाटा सन्सचे अध्यक्ष एन. चंद्रशेखरन यांना पत्र लिहून बीजे मेडिकल कॉलेजच्या बाधित विद्यार्थ्यांसाठी आर्थिक आणि मानवतावादी मदतीचे आवाहन केले आहे.

आयएमएने आपल्या पत्रात लिहिले आहे- “या दुर्दैवी अपघातात जखमी झालेल्या किंवा जीव गमावलेल्या घटनास्थळी उपस्थित असलेल्या वैद्यकीय विद्यार्थ्यांना आर्थिक आणि आवश्यक मदत करावी अशी आम्ही तुम्हाला नम्र विनंती करतो.”

पत्रात असेही म्हटले आहे की एअर इंडियाने त्यांच्या प्रवाशांच्या कुटुंबियांना १ कोटी रुपयांची भरपाई जाहीर केली आहे, अशा परिस्थितीत वैद्यकीय विद्यार्थ्यांसाठीही अशीच सहानुभूती आणि सहकार्य दाखवले पाहिजे. आयएमएने लिहिले आहे की, “हे विद्यार्थी केवळ बळी नव्हते, तर भविष्यातील डॉक्टर होते, त्यांचे कुटुंब देखील मदतीचे पात्र आहेत.”

इकॉनॉमिक्स टाईम्सच्या वृत्तानुसार, आयएमएच्या आवाहनानंतर काही तासांतच एअर इंडियाचे व्यवस्थापकीय संचालक आणि सीईओ कॅम्पबेल विल्सन यांनी एका व्हिडिओ संदेशात घोषणा केली की टाटा ग्रुप अपघातात जीव गमावलेल्या प्रत्येक व्यक्तीच्या कुटुंबियांना १ कोटी रुपयांची भरपाई देईल. तसेच, टाटा ग्रुप जखमींच्या सर्व उपचारांचा खर्च उचलेल. त्यांनी भावनिकपणे सांगितले की, “या अपूरणीय नुकसानीमुळे आम्हाला खूप दुःख झाले आहे आणि आम्ही पीडितांबद्दल शोक व्यक्त करतो.” आयएमए आणि वैद्यकीय समुदायाने टाटा ग्रुपच्या तत्परतेचे कौतुक केले