अयोध्येतल्या राम जन्मभूमी ट्रस्ट कडे देणगी नेमकी आली किती??, खर्च नेमका झाला किती??; बोलले आकडे!!

By, wankhadepravin - July 6, 2026 08:47:30

0

वृत्तसंस्था

अयोध्या : श्री राम जन्मभूमी मंदिरातला चोरीचा मामला समोर आल्यानंतर संपूर्ण देशभर खळबळ उडाली. राम जन्मभूमी ट्रस्टच्या विश्वासार्हतेवर प्रश्नचिन्ह लागले. त्याचबरोबर आत्तापर्यंत रामाला विरोध करणाऱ्या अनेक नेत्यांची रामभक्ती अचानक उफाळून आली. पण त्याच वेळी अनेकांनी राम जन्मभूमीच्या मंदिराच्या देणगी विषयी अनेक शंका उपस्थित केल्या. राम जन्मभूमी तीर्थ क्षेत्र ट्रस्टने आज बैठक घेऊन या शंकांचे आकडेवारी सह निवारण केले.

– आकडे बोलले

– श्री राम जन्मभूमी तीर्थ क्षेत्र ट्रस्टची बैठक आज झाली. निधी संकलन मोहीम आणि देणग्यांद्वारे मिळालेल्या एकूण ३,२६४ कोटी रुपयांपैकी, २,३७० कोटी रुपये बांधकाम आणि भांडवली खर्चासाठी वापरण्यात आले आहेत.

– राम जन्मभूमी मंदिर तीर्थ क्षेत्र ट्रस्टच्या स्थापनेपासून ते ३१ मार्च २०२६ पर्यंत एकूण ५८२ कोटी रुपयांच्या देणग्या अर्पण झाल्या, ज्यापैकी ३९१ कोटी रुपये दैनंदिन कामकाजाच्या खर्चासाठी वापरले गेले. उर्वरित निधी बँक खात्यांमध्ये उपलब्ध आहे.

A meeting of the Shri Ram Janmabhoomi Teerth Kshetra (Trust) was held today.

Out of the total amount of ₹3,264 crore received through the fund contribution campaign and corpus donations, ₹2,370 crore has been utilised for construction and capital expenditure. From the… pic.twitter.com/tRkZLYQ5Mi

— ANI (@ANI) July 6, 2026

– २,९२६ वस्तूंची रजिस्टर मध्ये नोंद

एसआयटी (SIT) च्या प्राथमिक अहवालानंतर, सरचिटणीस चंपत राय आणि विश्वस्त अनिल मिश्रा यांनी नैतिक आधारावर राजीनामे दिले. निष्पक्ष चौकशीसाठी ट्रस्टने त्यांचे राजीनामे स्वीकारले आहेत. तसेच, ट्रस्टने श्री गोपाल नागरकट्टे यांना विशेष निमंत्रित सदस्यांच्या यादीतून वगळण्याचा निर्णय घेतला आहे. कायदेशीर चौकशी प्रक्रिया पूर्ण झाल्यानंतरच सत्य समोर येईल आणि तोपर्यंत कोणावरही दोषारोप करणे अयोग्य आहे, असे न्यासाचे मत आहे. रोख रकमेव्यतिरिक्त, अनेक भाविकांनी भगवान श्री राम लल्ला यांना वस्तूंच्या स्वरूपातही देणग्या अर्पण केल्या आहेत. अशा एकूण २,९२६ वस्तू प्राप्त झाल्या आहेत; त्या सर्वांची नोंद (प्राप्तीची तारीख इत्यादी तपशीलांसह) एका रजिस्टरमध्ये केली जाते आणि अंतर्गत लेखापरीक्षक म्हणून काम करणाऱ्या एका स्वतंत्र चार्टर्ड अकाउंटन्सी फर्मद्वारे त्यांची दरवर्षी प्रत्यक्ष पडताळणी केली जाते. ज्या भाविकांना त्यांच्या देणग्यांच्या वापराची पडताळणी करायची आहे किंवा त्याबाबतची माहिती हवी आहे, त्यांनी न्यासाच्या अधिकाऱ्याची पूर्व-निश्चित वेळ (अपॉइंटमेंट) घेऊन अयोध्येला भेट द्यावी, अशी विनंती ट्रस्टने केली.

– (माहिती स्रोत : श्री राम जन्मभूमी तीर्थ क्षेत्र)