अलिगडमध्ये विषारी दारू पिल्याने २२ जणांचा मृत्यू, २८ जणांची प्रकृती गंभीर|22 died in UP Hooch tragedy

अलिगडमध्ये विषारी दारू पिल्याने २२ जणांचा मृत्यू, २८ जणांची प्रकृती गंभीर

विशेष प्रतिनिधी

अलिगड : उत्तर प्रदेशातील अलिगडमध्ये विषारी दारूच्या सेवनामुळे मरण पावलेल्यांची संख्या आज २२ वर पोचली असून अन्य २८ जणांची प्रकृती गंभीर असल्याने मृतांचा आकडा वाढू शकतो.22 died in UP Hooch tragedy

या मद्यसेवनामुळे शुक्रवारी रात्री सातजण मरण पावले होते. अन्य गंभीर आजारी असलेल्या २८ रुग्णांवर येथील जवाहरलाल नेहरू वैद्यकीय महाविद्यालय, अलिगड मुस्लिम विद्यापीठ आणि मल्खानसिंह जिल्हा रुग्णालयात उपचार सुरू आहेत.

मंदिर पाडल्याबद्दल अलिगडमध्ये पाकिस्तान मुर्दाबादच्या घोषणा बजरंग दलाच्या कार्यकर्त्यांकडून घटनेचा निषेध

शेजारील खेड्यांमधून देखील आणखी काही नागरिक आजारी पडल्याच्या बातम्या येत असल्याने आरोग्य यंत्रणेची चिंता वाढली आहे. लोढा, खैर आणि जावान या तीन खेड्यांमधील १५ लोकांचा शुक्रवारी मृत्यू झाला.

पोलिसांनी या प्रकरणी कारवाईला वेग दिला असून आतापर्यंत विषारी दारूच्या विक्रीमध्ये सहभागी असलेल्या पाचजणांना अटक करण्यात आली आहे. यामध्ये मुख्य सूत्रधार अनिल चौधरी याचाही समावेश आहे.

याप्रकरणात पोलिसांनी आतापर्यंत बाराजणांविरोधात गुन्हे दाखल केले असून जिल्हाभरात अनेक ठिकाणांवर छापेही घालण्यात आले.