दहावीचा निकाल १५ जुलैनंतरच जाहीर ; आराखडा लवकरच प्रसिद्ध होणार

By, Vishal Joshi - June 7, 2021 09:13:06

0

वृत्तसंस्था

पुणे : कोरोनाच्या पार्श्वभूमीवर राज्य माध्यमिक व उच्च माध्यमिक शिक्षण मंडळाच्या इयत्ता दहावीच्या परीक्षा रद्द केल्या असून, मूल्यमापन पद्धतीनुसार निकाल तयार केला जाणार आहे. याबाबतची माहिती महाराष्ट्र राज्य माध्यमिक व उच्च माध्यमिक शिक्षण मंडळाने दिली आहे. The result of class X will be available only after July 15, the relevant plan will be published

परीक्षेचा निकालासाठी सोमवारी किंवा मंगळवारी आराखडा प्रसिद्ध होणार आहे. मात्र, परीक्षेचा निकाल जाहीर होण्यासाठी १५ जुलैपर्यंत प्रतीक्षा करावी लागणार आहे, असे अधिकाऱ्यांनी सांगितले आहे.

राज्यातील बारावीच्या परीक्षा रद्द, आपत्ती व्यवस्थापन विभागाच्या बैठकीत निर्णय

नववी व दहावीतील अंतर्गत मूल्यमापनाच्या गुणांच्या आधारे दहावीचा निकाल प्रसिद्ध होणार आहे. त्यासाठी शाळांकडून प्रत्येक विद्यार्थ्याचे गुण मागविले जाणार आहेत. शाळांनी विशिष्ट आराखड्यात ऑनलाइन पद्धतीने हे गुण भरून द्यायचे आहेत. राज्य मंडळाकडून हा आराखडा तयार केला जात आहे. तो सोमवारी सायंकाळी किंवा मंगळवारी तो प्रसिद्ध केला जाईल.