वर्धा जिल्ह्यात आर्वीच्या कदम हॉस्पिटलमध्ये सापडले अर्भकांच्या ११ कवट्या आणि ५२ हाडंEleven skulls and 52 bones of infants were found at Arvi's Kadam Hospital in Wardha district

वर्धा जिल्ह्यात आर्वीच्या कदम हॉस्पिटलमध्ये सापडले अर्भकांच्या ११ कवट्या आणि ५२ हाडं

या प्रकरणी पोलीस तक्रार झाल्यावर हा बेकायदेशीर गर्भपात ३० हजार रूपये घेऊन करण्यात आल्याचे स्पष्ट झाले.Eleven skulls and 52 bones of infants were found at Arvi’s Kadam Hospital in Wardha district

विशेष प्रतिनिधी

वर्धा : वर्धा जिल्ह्यात आर्वीच्या कदम हॉस्पिटल परिसरात अर्भकांच्या ११ कवट्या आणि ५२ हाडं आढळली आहेत.दरम्यान या घटनेने एकच खळबळ उडाली आहे.ही खड्ड्यात सापडलेली अर्भकांची हाडं आणि कवट्या पुढील तपासणीसाठी नागपूरच्या प्रयोगशाळेत पाठवली आहेत.

कवटया आणि हाडे नेमके कुणाचे आहेत याबद्दल पोलीस तपास करत आहेत.आर्वीचे उपविभागीय पोलीस अधिकारी साळूंके म्हणाले की सापडलेल्या अवशेषाबाबत आताच निश्चित काही सांगता येणार नाही. प्रयोगशाळेतून अहवाल आल्यानंतरच ठोस निष्कर्ष काढता येईल.

शहीद शेतकऱ्यांना श्रद्धांजली अर्पण ; वर्धा जिल्हा काँग्रेस कमीटीतर्फे महात्मा गांधी पुतळा ते शहिद स्मारक कॅंडल मार्च

दरम्यान प्रयोगशाळेच्या अहवालानंतर सखोल चौकशी करण्याची भूमिका पोलिसांनी घेतली आहे. पोलिसांनी आरोपी डॉ. रेखा कदमला अटक केली आहे.तसेच डॉ.कदम यांच्या सासूलाही ताब्यात घेतलं आहे. या प्रकरणी पोलीस तक्रार झाल्यावर हा बेकायदेशीर गर्भपात ३० हजार रूपये घेऊन करण्यात आल्याचे स्पष्ट झाले.

डॉ. रेखा कदम यांचीही कसून चौकशी सुरू आहे.या हॉस्पिटलला अधिकृत गर्भपात व गर्भनिदान केंद्राचा दर्जा आहे. मात्र, मृत अर्भकाची विल्हेवाट लावण्याची वैद्यकीय पध्दत असते. ती या दवाखान्यात पाळली की नाही याबाबत पोलीस साशंक आहेत.