राज्यपालांना बदनाम करून पवार - ठाकरे यांनी काँग्रेसच्या राहुल गांधींना पपलू केले!!; किरीट सोमय्या यांचा टोला |By discrediting the Governor, Pawar-Thackeray slammed Rahul Gandhi of Congress !!; Tola of Kirit Somaiya

राज्यपालांना बदनाम करून पवार – ठाकरे यांनी काँग्रेसच्या राहुल गांधींना पपलू केले!!; किरीट सोमय्या यांचा टोला

प्रतिनिधी

मुंबई : महाराष्ट्र विधानसभेच्या अध्यक्षांची निवडणूक पाच दिवसांच्या हिवाळी अधिवेशनात झाली नाही. राज्यपाल विरुद्ध मुख्यमंत्री अशी “राजकीय पत्रापत्रीची लढत” यात झाली. परंतु त्यावर भाजपचे नेते किरीट सोमय्या यांनी एक व्हिडिओ करून एका वेगळ्याच मुद्द्याला तोंड फोडले आहे.By discrediting the Governor, Pawar-Thackeray slammed Rahul Gandhi of Congress !!; Tola of Kirit Somaiya

राज्यपालांना बदनाम करून किंवा राज्यपालांच्या आडून मुख्यमंत्री उद्धव ठाकरे यांनी राष्ट्रवादीचे अध्यक्ष शरद पवार यांनी काँग्रेसचे वरिष्ठ आमदार माजी मुख्यमंत्री पृथ्वीराज चव्हाण यांना विधानसभेचे अध्यक्ष होऊ दिले नाही, असा टोला किरीट सोमय्या यांनी महाविकास आघाडीला लगावला आहे.

उद्धव ठाकरे – शरद पवार चर्चा, कायदेशीर बाबी तपासल्यानंतर विधानसभा अध्यक्षांची निवडणूक रद्द!!

या व्हिडिओत किरीट सोमय्या म्हणतात, की विधानसभेच्या अध्यक्षांची निवडणूक गुप्त आवाजी मतदानाने घेण्याचे उद्धव ठाकरे आणि शरद पवार यांचे नाटक केले. गुप्त मतदानाने निवडणूक झाली असती तर महाविकास आघाडीकडे 170 आमदार होते.

काँग्रेसचा विधानसभा स्पीकर नको म्हणून शरद पवार व उद्धव ठाकरेंनी "आवाजी मतदानाचे" नाटक केले !?

महाविकास आघाडी 175 आमदार चा समोर भाजप कडे 105 आमदार असताना गुप्त मतदानात काँग्रेसचा स्पीकर निवडून आला असता!

राज्यपालांवर खापर फोडून काँग्रेसला पपलू बनवण्याचे काम ठाकरे पवार यांनी केले pic.twitter.com/QzzQqoXrsc

— Kirit Somaiya ( Modi ka Pariwar) (@KiritSomaiya) December 30, 2021

भाजपकडे 105 आमदार होते. त्यामुळे आघाडीचाच अध्यक्ष झाला असता. परंतु शरद पवार आणि उद्धव ठाकरे यांना पृथ्वीराज चव्हाण अध्यक्ष होणे नको होते. त्यामुळे दोघांनी मिळून राज्यपालांना बदनाम करून आणि

राज्यपालांच्या आडून काँग्रेसच्या राहुल गांधी यांना पपलू बनवले. किरीट सोमय्या यांनी हा व्हिडीओ आपल्या ट्विटर हँडलवर शेअर केला आहे त्यांच्या व्हिडिओ राजकीय वर्तुळात जोरदार प्रतिक्रिया उमटल्या आहेत.