10 खासदार कधी निवडून आणता आले नाहीत ते 300 खासदारांच्या नेत्यांना आव्हान देणार!!; निलेश राणेंचा हल्लाबोल । 10 MPs who have never been elected will challenge the leaders of 300 MPs !!; Nilesh Rane's attack

10 खासदार कधी निवडून आणता आले नाहीत ते 300 खासदारांच्या नेत्यांना आव्हान देणार!!; निलेश राणेंचा हल्लाबोल

विशेष प्रतिनिधी

मुंबई : ज्यांना आपल्या पक्षाचे 10 खासदार कधी निवडून आणता आले नाहीत ते 300 खासदारांच्या नेत्याला काय आव्हान देणार?!!, अशा शेलक्या शब्दांमध्ये माजी खासदार निलेश राणे यांनी शरद पवार राष्ट्रवादीचे अध्यक्ष शरद पवार यांची खिल्ली उडवली आहे. 10 MPs who have never been elected will challenge the leaders of 300 MPs !!; Nilesh Rane’s attack

शरद पवार यांनी विदर्भ दौऱ्यात बोलताना पंतप्रधान नरेंद्र मोदी यांना पर्याय निर्माण करण्याची गरज आहे, असे वक्तव्य केले होते, त्यावर टीका करताना भाजपचे नेते निलेश राणे यांनी ट्विटरद्वारे त्यांच्यावर टीका केली आहे. ज्यांना कधी १० खासदार निवडून आणता आले नाही, ते ३०० खासदार निवडून आणलेल्या व्यक्तीला आव्हान देणार? पवार साहेबांचे नाव दिल्लीत कोण घेत नाही आणि त्यांची कोण दाखल ही घेत नाही, पवारांनी इतक्या वर्षात जे असंख्य विषय महाराष्ट्राचे केंद्राकडे आहेत त्या पैकी १ प्रश्न मार्गी लावलेला दाखवा? अशा शब्दांत निलेश राणे यांनी आव्हान दिले आहे.

गृहमंत्र्यांनी माझा मला धमक्या देण्यापेक्षा रझा अकादमीवर बंदी घालावी; आमदार नितेश राणे यांचे वळसे पाटलांना आव्हान

विदर्भाच्या दौऱ्यावर असताना शरद पवार म्हणाले होते की, केंद्रातील भाजप सरकारच्या विरोधात जनतेमध्ये प्रचंड असंतोष खदखदत आहे. आगामी लोकसभेच्या निवडणुकीत पंतप्रधान नरेंद्र मोदी यांना पराभूत करायचे असेल तर मतदारांना पर्याय उपलब्ध करून देणे गरजेच आहे. यासाठी तिसऱ्या आघाडीचे नेतृत्व कोणी करावे हे आमच्यासाठी महत्त्वाचे नाही. या तिसऱ्या आघाडीचे नेतृत्व ममता बॅनर्जी करतील किंवा कोणी आणखी नेता हे महत्त्वाचे नाही. सद्यस्थितीत विरोधकांनी एकत्रितपणे येणे जास्त आवश्यक आहे. यादृष्टीने हिवाळी अधिवेशनत विविध पक्षांशी चर्चा होईल, असे शरद पवार म्हणाले होते.