पुण्यात उपायुक्ताला १ लाख ९० हजारांची लाच घेताना अटक; लाचलुचपत प्रतिबंधकची कारवाई । Deputy Commissioner arrested in Pune for accepting bribe of Rs 1 lakh 90 thousand

पुण्यात उपायुक्ताला १ लाख ९० हजारांची लाच घेताना अटक; लाचलुचपत प्रतिबंधकची कारवाई

विशेष प्रतिनिधी

पुणे : जिल्हा जात प्रमाणपत्र पडताळणी समितीचे सदस्य आणि उपायुक्ताला १ लाख ९० हजार रुपयांची लाच घेताना लाचलुचपत प्रतिबंधक विभागाने पकडले आहे. या कारवाईमुळे लाचखोरी करणाऱ्यांचे धाबे दणाणले आहे. Deputy Commissioner arrested in Pune for accepting bribe of Rs 1 lakh 90 thousand

नितीन चंद्रकांत ढगे (वय ४० ), असे पकडलेल्या उपायुक्ताचे नाव आहे. मिळालेल्या माहितीनुसार याप्रकरणी वानवडी पोलिस ठाण्यात गुन्हा दाखल करण्यात आला आहे. नितीन ढगे हे सामाजिक न्याय व विशेष सहाय्य विभागात उपायुक्त आहेत. तसेच ते जिल्हा जात प्रमाणपत्र पडताळणी समितीचे सदस्यदेखील आहेत.

एसीबीची भंडाऱ्यात एक अनोखी कारवाई , लाच घेणाऱ्या ऐवजी थेट लाच देणाऱ्यालाच अटक

दरम्यान तक्रारदाराने त्याच्या पत्नीचे जात प्रमाणपत्र पडताळणी करून ते वैध करण्यासाठी कार्यालयात अर्ज केला होता. त्यावेळी नितीन ढगे याने तक्रारदाराकडे ८ लाख रुपयांची लाच मागितली.याबाबत तक्रारदाराने एसीबीकडे तक्रार दाखल केली होती. दाखल तक्रारीनुसार एसीबीने सापळा रचला. नंतर नितीन ढगे याला १ लाख ९० हजार रुपये घेताना पकडले. सध्या उपायुक्त एसीबीच्या ताब्यात असून या प्रकरणाची सखोल चौकशी करण्यात येत आहे.