लिंडा याकारिनो झाल्या ट्विटरच्या नवीन सीईओ, एलन मस्क यांची घोषणा; व्यावसायिक कामकाजावर लक्ष केंद्रित करणारLinda Yacarino Becomes Twitter's New CEO, Elon Musk Announces

लिंडा याकारिनो झाल्या ट्विटरच्या नवीन सीईओ, एलन मस्क यांची घोषणा; व्यावसायिक कामकाजावर लक्ष केंद्रित करणार

प्रतिनिधी

एलन मस्क यांनी शुक्रवारी स्पष्ट केले की, लिंडा याकारिनो या ट्विटरच्या नवीन सीईओ असतील. लिंडा सध्या NBC युनिव्हर्सलच्या ग्लोबल अॅडव्हर्टायझिंग आणि पार्टनरशिप्सच्या अध्यक्ष आहेत. मस्क यांनी एका ट्विटमध्ये म्हटले आहे की, लिंडा प्रामुख्याने व्यवसाय ऑपरेशन्सवर लक्ष केंद्रित करतील, तर उत्पादन डिझाइन आणि नवीन तंत्रज्ञानाचेही कामकाज पाहतील. Linda Yacarino Becomes Twitter’s New CEO, Elon Musk Announces

I am excited to welcome Linda Yaccarino as the new CEO of Twitter!

@LindaYacc will focus primarily on business operations, while I focus on product design & new technology.

Looking forward to working with Linda to transform this platform into X, the everything app. https://t.co/TiSJtTWuky

— Elon Musk (@elonmusk) May 12, 2023

लिंडा यांच्या देखरेखीखाली सुमारे दोन हजार कर्मचारी काम करतात

लिंडा यांनी पदभार स्वीकारल्यानंतर मस्क ट्विटरचे कार्यकारी अध्यक्ष आणि मुख्य तंत्रज्ञान अधिकारी म्हणून पदभार स्वीकारतील. लिंडाच्या देखरेखीखाली सध्या सुमारे 2,000 कर्मचारी काम करतात. ही संख्या ट्विटरच्या सध्याच्या कर्मचाऱ्यांइतकी आहे.

लिंडा यांची वार्षिक 100 बिलियन डॉलरपेक्षा जास्त कमाई

लिंडा यांच्या प्रोफाइलनुसार, NBC युनिव्हर्सलमधील त्यांची टीम जाहिरात विक्री आणि भागीदारीद्वारे वार्षिक कमाई $100 बिलियन पेक्षा जास्त उत्पन्न मिळवते. लिंडाच्या टीमने Apple, Snapchat, BuzzFeed, Twitter आणि YouTube सारख्या दिग्गजांशी भागीदारी केली आहे. मस्क यांनी गेल्या वर्षी 44 अब्ज डॉलर्समध्ये ट्विटर विकत घेतले होते.

पेन स्टेट युनिव्हर्सिटीमध्ये शिक्षण

लिंडा या पेन स्टेट युनिव्हर्सिटीच्या माजी विद्यार्थिनी आहेत, त्यांनी लिबरल आर्ट्स आणि टेलिकम्युनिकेशन्समध्ये मेजर केले आहे. वॉल स्ट्रीट जर्नलच्या अहवालानुसार, याकारिनो यांचे जाहिरातींची परिणामकारकता वाढवण्यासाठी अधिक चांगले मार्ग शोधण्यात प्रावीण्य आहे.