कृष्णवर्णीय जॉर्ज फ्लॉईड हत्येप्रकरणी पोलिस अधिकारी चॉविन दोषी, चाळीस वर्षाचा तुरुंगवास शक्य|Police officer guilty in George Flayed case

कृष्णवर्णीय जॉर्ज फ्लॉईड हत्येप्रकरणी पोलिस अधिकारी चॉविन दोषी, चाळीस वर्षाचा तुरुंगवास शक्य

विशेष प्रतिनिधी

मिनेपोलिस : कृष्णवर्णीय जॉर्ज फ्लॉईड यांच्या हत्येप्रकरणी माजी पोलिस अधिकारी डेरेक चॉविन याला फेडरल न्यायालयाने दोषी ठरवले. चॉविन याला कमाल ४० वर्षे तुरुंगवासाची शिक्षा होऊ शकते.Police officer guilty in George Flayed case

पोलिस अधिकारी चॉविनने ४६ वर्षीय फ्लॉईड यांची मान नऊ मिनिटे २९ सेंकदापर्यंत आपल्या गुडघ्याने दाबली आणि त्यामुळे त्यांचा मृत्यू झाला. चॉविन हा सर्वच्या सर्व तिन्ही आरोपात दोषी असल्याचे निष्पन्न झाले.

स्यू की यांना पुन्हा दीर्घकाळ तुरुंगवास भोगावा लागण्याची चिन्हे, लष्करी राजवट लागली मागे

मिनेपोलिस येथे गेल्यावर्षी २५ मे रोजी फ्लॉईड याला एका फसवणुकीच्या प्रकरणात अटक केली होती. तत्पूर्वी पोलिस अधिकारी डेरेक चॉविन याने फ्लॉईडला रस्त्यावर पकडले आणि आपल्या गुडघ्याने त्याची मान दाबली.

सुमारे ८ ते नऊ मिनिटे गुडघा हा फ्लॉईड यांच्या मानेवर होता. तेव्हा फ्लॉइडला बेड्या घातलेल्या होत्या. यावेळी ४६ वर्षीय फ्लॉईड हा सुटकेसाठी पोलिस अधिकाऱ्यांना वारंवार विनंती करत होता आणि मानेवरचा गुडघा काढावा,अशी मागणी करत होता.

परंतु पोलिस अधिकाऱ्याने दुर्लक्ष केले आणि फ्लॉईड यांचा गुदमरून मृत्यू झाला. या घटनेचा व्हिडिओ व्हायरल झाला. त्यात तो म्हणतो की, आपला गुडघा माझ्या मानेवर आहे. मला श्वाहस घेण्यास त्रास होत आहे. पण पोलिस अधिकारी मानेवरचा गुडघा काढत नाहीत. थोड्या वेळाने फ्लॉइड याच्या हालचाली मंदावतात.