रशियाच्या पर्म स्टेट युनिव्हर्सिटीत माथेफिरूचा अंदाधुंद गोळीबार, 8 विद्यार्थी ठार, अनेक जण जखमी

By, shreekant patil - September 20, 2021 03:12:22

0

Gunman opens fire in Perm State University in Russia, 8 students dead, many wounded

Gunman opens fire in Perm State University in Russia : सोमवारी रशियातील एका विद्यापीठात गोळीबार झाल्याचे वृत्त आहे. हल्लेखोरांपैकी एकाने अचानक गोळीबार सुरू केल्याचे रशियाच्या टास एजन्सीकडून सांगण्यात आले आहे. या घटनेत किमान 4 जण जखमी झाल्याचे वृत्त आहे. रशियन तपासकर्त्यांच्या मते, आतापर्यंत किमान 8 विद्यार्थ्यांचा मृत्यू झाला आहे. Gunman opens fire in Perm State University in Russia, 8 students dead, many wounded

वृत्तसंस्था

मॉस्को : सोमवारी रशियातील एका विद्यापीठात गोळीबार झाल्याचे वृत्त आहे. हल्लेखोरांपैकी एकाने अचानक गोळीबार सुरू केल्याचे रशियाच्या टास एजन्सीकडून सांगण्यात आले आहे. या घटनेत किमान 4 जण जखमी झाल्याचे वृत्त आहे. रशियन तपासकर्त्यांच्या मते, आतापर्यंत किमान 8 विद्यार्थ्यांचा मृत्यू झाला आहे.

ही घटना पर्म स्टेट युनिव्हर्सिटीतील आहे आणि रशियन एजन्सीच्या मते, त्यात काही लोकांचा मृत्यूही झाला आहे. पर्म स्टेट युनिव्हर्सिटी रशियातील पर्म शहरात आहे आणि देशाच्या इतर भागांतून मोठ्या संख्येने लोक येथे शिक्षणासाठी येतात. हल्लेखोराला ताब्यात घेण्यात आले असून त्याची चौकशी सुरू आहे.

गोळीबाराचा हेतू स्पष्ट नाही

विद्यापीठाच्या प्रवक्त्याने सांगितले की, हा गोळीबार का झाले हे अद्याप स्पष्ट झालेले नाही. हल्लेखोराकडे इतर कोणतीही घातक शस्त्रे नाहीत. पर्म स्टेट युनिव्हर्सिटीच्या प्रेस सर्व्हिसने सांगितले आहे की, विद्यार्थी आणि कर्मचाऱ्यांनी स्वतःला खोल्यांमध्ये बंद केले आहे. त्यांना विद्यापीठ अधिकाऱ्यांनी कॅम्पस सोडू नये अशी विनंती केली आहे. टास वृत्तसंस्थेने पोलीस सूत्रांच्या वतीने सांगितले की, काही विद्यार्थ्यांनी घटनेच्या वेळी खिडक्यांतून उड्या मारून त्यांचे प्राण वाचवण्याचा प्रयत्न केला. स्थानिक पोलीस दलही घटनास्थळी उपस्थित आहे.

रशियाचे सर्वात जुने विद्यापीठ

पर्म विद्यापीठ हे रशियातील सर्वात जुने विद्यापीठ आहे आणि 1916 मध्ये स्थापन झाले. हे विद्यापीठ सेंट पीटर्सबर्ग विद्यापीठाची शाखा म्हणून पर्ममध्ये स्थापित केले गेले. रशिया सरकारने उरल आर्थिक क्षेत्रातील भौगोलिक आणि सांस्कृतिक रणनीती लक्षात घेऊन या विद्यापीठाची स्थापना केली होती. हे विद्यापीठ उघडण्याचा उद्देश उरल लोकांमध्ये उच्च शिक्षणाचा प्रसार करणे हा होता. या कल्पनेला डीआय मेंडेलिव्ह आणि इतरांनी पाठिंबा दिला होता.

आज या विद्यापीठात 12 विद्याशाखा, 77 विभाग आणि 2 ब्रँच आहेत. 2010/2011 च्या आकडेवारीनुसार, येथे एकूण विद्यार्थ्यांची संख्या 11,432 आहे. त्यापैकी 7602 पूर्णवेळ विद्यार्थी आहेत. या विद्यापीठात 56 पदव्युत्तर अभ्यासक्रम आणि 6 डॉक्टरेट स्पेशलायझेशन अभ्यासक्रम आहेत.

Gunman opens fire in Perm State University in Russia, 8 students dead, many wounded

महत्त्वाच्या बातम्या