Nikhil Gupta Sentenced to 24 Years in Pannun Murder-for-Hire Plot खालिस्तानी दहशतवादी पन्नूच्या हत्येच्या कटाचे प्रकरण; भारतीय नागरिक निखिल गुप्ताला 24 वर्षांची शिक्षा

Nikhil Gupta : खालिस्तानी दहशतवादी पन्नूच्या हत्येच्या कटाचे प्रकरण; भारतीय नागरिक निखिल गुप्ताला 24 वर्षांची शिक्षा

वृत्तसंस्था

न्यूयॉर्क : Nikhil Gupta खालिस्तानी दहशतवादी गुरपतवंत सिंह पन्नूच्या हत्येचा कट रचल्याप्रकरणी भारतीय नागरिक निखिल गुप्ताला 24 वर्षांच्या तुरुंगवासाची शिक्षा सुनावण्यात आली. एएनआयच्या वृत्तानुसार, निखिलने शुक्रवारी अमेरिकेतील न्यूयॉर्क येथील न्यायालयात आपला गुन्हा कबूल केला आहे. 29 मे रोजी शिक्षेची औपचारिक घोषणा केली जाईल.Nikhil Gupta

अमेरिकेच्या तपास यंत्रणा एफबीआयने एक्सवर पोस्ट करून निखिल गुप्ताने गुन्हा कबूल केल्याची माहिती दिली. एफबीआयच्या मते, हा कट एका अमेरिकन नागरिकाच्या हत्येसाठी रचण्यात आला होता, जो अमेरिकन यंत्रणांनी वेळेत हाणून पाडला.Nikhil Gupta

पशुधन संवर्धनातून कृषीक्षेत्राला नवसंजीवनी; परळी – बीडमध्ये महा पशूधन एक्स्पोचे मुख्यमंत्र्यांच्या हस्ते उद्घाटन

यूएस ॲटर्नी कार्यालयाच्या निवेदनानुसार, निखिल गुप्ता उर्फ ‘निक’ याने सेकंड सुपरसिडिंग इंडिक्टमेंटमध्ये लावण्यात आलेले तिन्ही आरोप स्वीकारले आहेत. या आरोपांमध्ये मर्डर-फॉर-हायर (हत्येसाठी सुपारी), मर्डर-फॉर-हायरचा कट आणि मनी लॉन्ड्रिंगचा कट यांचा समावेश आहे.

निखिलला युरोपीय देश चेक रिपब्लिकमधून अटक करण्यात आली

पन्नूच्या हत्येचा कट रचल्याच्या आरोपाखाली निखिल गुप्ताला 30 जून 2023 रोजी चेक रिपब्लिक पोलिसांनी अटक केली होती. त्यानंतर 14 जून 2024 रोजी निखिलला अमेरिकेत प्रत्यार्पित करण्यात आले होते. निखिलवर अमेरिकेत खटला चालवण्यात आला, जिथे त्याने स्वतःला निर्दोष घोषित केले होते.

अमेरिकन एजन्सींच्या मते, भारताच्या एका माजी अधिकाऱ्याने, विकास यादवने, निखिल गुप्ताला पन्नूच्या हत्येचा कट रचण्यास सांगितले होते.

अमेरिकेच्या न्याय विभागाने दावा केला आहे की, भारत सरकारच्या एका कर्मचाऱ्याने निखिल गुप्ताला पन्नूच्या हत्येसाठी एका हिटमॅनची व्यवस्था करण्यास सांगितले होते. हा आरोप मॅनहॅटनच्या फेडरल कोर्टात दाखल केलेल्या आरोपपत्रात करण्यात आला होता. त्या कर्मचाऱ्याला आरोपपत्रात CC-1 असे म्हटले आहे.