विशेष प्रतिनिधी
पुणे : राज ठाकरेंनी विचारलेल्या राज की उद्धव??, या प्रश्नावर शरद पवारांनी उत्तर दिले होते “ठाकरे कुटुंबीय”, पण आता जेव्हा दोन्ही भाऊ एकत्र येण्याची प्रक्रिया सुरू झाली त्यावेळी मात्र पवारांनी कानावर हात ठेवले.
राज आणि उद्धव ठाकरे यांच्या एकत्र येण्याच्या मुद्द्यावर सगळ्या महाराष्ट्राभर चर्चा सुरू असताना त्यावर शरद पवार अद्याप बोलले नव्हते, ते आज बोलले. मात्र ठाकरे बंधूंनी एकत्र येणे हा त्यांचा कौटुंबिक प्रश्न आहे. मी त्यांच्याशी बोललेलो नाही. त्यामुळे मी त्यावर काय भाष्य करणार??, असे म्हणून शरद पवारांनी आज कानावर हात ठेवला.
मात्र यात शरद पवारांची काही वर्षांपूर्वी राज ठाकरे यांनी जाहीर मुलाखत घेतली होती. त्या मुलाखतीत राज ठाकरे यांनी त्यांना तुम्ही कुणाची बाजू घेणार, राज ठाकरे की उद्धव ठाकरे यांची??, असा सवाल केला होता. त्यावर पवारांनी अतिशय चलाखीने “ठाकरे कुटुंबीय” असे उत्तर उत्तर देऊन दोघांनाही कात्रजचा घाट दाखविला होता.
पण आज ज्यावेळी दोन्ही ठाकरे बंधू गांभीर्याने एकत्र येण्याची चर्चा सुरू झाली, त्यावेळी मात्र पवारांनी तो त्यांचा कौटुंबिक प्रश्न असल्याचे सांगून कानावर हात ठेवत ते मोकळे झाले.
महत्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more
Download App