Swapnil Kusale : कॅप्टन कूल धोनीचा फॅन; शांततेत करून दाखवले काम!!, मोदी म्हणाले, लय भारी!!

By, Pravin Wankhade - August 1, 2024 04:13:20

0

विशेष प्रतिनिधी

नवी दिल्ली : स्वप्नील कुसाळे (Swapnil Kusale) कॅप्टन कूल धोनीचा फॅन; शांततेत करून दाखवले काम!! महाराष्ट्राचा नेमबाज स्वप्नील कुसाळेने 50 मीटर रायफल थ्री पोझिशनच्या प्रकारात कांस्य पदक पटकावले. भारताचे हे पॅरिस ऑलिंपिक मधले तिसरे पदक ठरले. या स्पर्धेत स्वप्नीलने एकुण 451.4 गुण मिळवले. चीनचा लिऊ युकुनने सुवर्णपदक जिंकले. त्याचे गुण 463.6 होते, तर युक्रेनच्या कुलिस सेरहीने रौप्य पदक पटकावलं. Swapnil Kusale olympic 2024 win bronze medal

मी धोनीचा फॅन

स्वप्नीलच्या या कामगिरीनंतर देशासह संपूर्ण महाराष्ट्रात जल्लोष साजरा झाला. कांस्य पदक पटकवल्यानंतर स्वप्नील म्हणाला की, मी ध्येयावर लक्ष्य ठेवून काम करत होतो, एवढ्या वर्षात जे फॉलो करत होतो, तेच इथे केलं. माझे काही की पॉईंट्स होते, त्यावरच काम केलं. मी क्रिकेटपटू एमएस धोनीचा खूप मोठा चाहता आहे. जसा तो फिल्डवर शांत राहतो, तेच मी धोनीकडून शिकलो, फिल्डवर शांत राहून काम करतो. रुटीन होतं तेच फॉलो केलं. हे पहिलं ऑलिम्पिक होतं, कांस्य जिंकलं, आता पुढच्या ऑलिम्पिकमध्ये यापेक्षा चांगली कामगिरी करेन, अशा शब्दांत स्वप्नील कुसाळेने भावना व्यक्त केल्या.

पंतप्रधान नरेंद्र मोदींनी सोशल मीडियात पोस्ट लिहून स्वप्नीलचे कौतुक केले. स्वप्नीलने संयम आणि चिकाटी दाखवून भारी कामगिरी केली. 50 मीटर रायफल शूटिंगमध्ये भारताला पदक मिळवून देणारा तो पहिला भारतीय ठरला, अशा शब्दांत पंतप्रधान नरेंद्र मोदी यांनी त्याचे कौतुक केले.

स्वप्नील कुसाळे हे 2015 पासून मध्य रेल्वेत कार्यरत आहेत. ज्याप्रमाणे एमएस धोनी त्याच्या आयुष्यात तिकीट कलेक्टर होता, त्याचप्रमाणे स्वप्नील देखील मध्य रेल्वेमध्ये तिकीट कलेक्टर म्हणून काम करतो. भारताचा हा नेमबाज महेंद्रसिंग धोनीच्या व्यक्तिमत्त्वाने खूप प्रभावित आहे. स्वप्नील म्हणतो की, त्याने एमएस धोनीचा बायोपिक अनेकदा पाहिला. धोनीच्या कामगिरीतून मी प्रेरणा घेतली. धोनी क्रिकेटच्या मैदानावर त्याच्या शांत स्वभावासाठी ओळखला जातो, तर शूटिंगसाठी देखील शांत आणि संयमशील स्वभावाची आवश्यकता असते. मी तेच फॉलो केले.

Exceptional performance by Swapnil Kusale! Congrats to him for winning the Bronze medal in the Men's 50m Rifle 3 Positions at the #ParisOlympics2024.

His performance is special because he’s shown great resilience and skills. He is also the first Indian athlete to win a medal in… pic.twitter.com/9zvCQBr29y

— Narendra Modi (@narendramodi) August 1, 2024

पहिल्या पोझिशनमधील गुणसंख्या-

पहिली फेरी- 9.6, 10.4, 10.3, 10.5, 10.0, एकूण: 50.8 गुण
दुसरी फेरी- 10.1, 9.9, 10.3, 10.5, 10.1, एकूण: 51.9 गुण
तिसरी फेरी- 9.7, 10.3, 10.8, 10.4, 10.0, एकूण: 51.6 गुण

दुसऱ्या पोझिशनमधील गुणसंख्या-

पहिली फेरी- 10.5, 10.6, 10.5, 10.6, 10.5, एकूण: 52.7 गुण
दुसरी फेरी- 10.8, 10.2, 10.5, 10.4, 10.3, एकूण: 52.2 गुण
तिसरी फेरी- 10.5, 10.4, 10.4, 10.2, 10.4, एकूण: 51.9 गुण

तिसऱ्या पोझिशनमधील गुणसंख्या-

पहिली फेरी- 9.5, 10.7, 10.3, 10.6, 10.0, एकूण: 51.1
दुसरी फेरी- 10.6, 10.3, 9.1, 10.1, 10.3, एकूण: 50.4 गुण

बाकीचे चार शॉट्स: 10.5, 9.4, 9.9, 10.0

🇮🇳🥉 𝗧𝗿𝗶𝗽𝗹𝗲 𝗕𝗿𝗼𝗻𝘇𝗲 𝗳𝗼𝗿 𝗜𝗻𝗱𝗶𝗮, 𝘁𝗿𝗶𝗽𝗹𝗲 𝘁𝗵𝗲 𝗷𝗼𝘆!

👉 𝗙𝗼𝗹𝗹𝗼𝘄 @sportwalkmedia 𝗳𝗼𝗿 𝗲𝘅𝘁𝗲𝗻𝘀𝗶𝘃𝗲 𝗰𝗼𝘃𝗲𝗿𝗮𝗴𝗲 𝗼𝗳 𝗜𝗻𝗱𝗶𝗮𝗻 𝗮𝘁𝗵𝗹𝗲𝘁𝗲𝘀 𝗮𝘁 𝘁𝗵𝗲 𝗣𝗮𝗿𝗶𝘀 𝗢𝗹𝘆𝗺𝗽𝗶𝗰𝘀 𝟮𝟬𝟮𝟰!

📸 Pics belong to the respective owners… pic.twitter.com/mgy6wmLrLJ

— India at Paris 2024 Olympics (@sportwalkmedia) August 1, 2024