उत्तराखंड मंत्रिमंडळाने UCC मसुद्याच्या प्रस्तावाला दिली मंजुरी

By, Pravin Wankhade - February 4, 2024 09:15:03

0

6 फेब्रुवारीला विधानसभेत मांडला जाणार

विशेष प्रतिनिधी

नवी दिल्ली : उत्तराखंडचे मुख्यमंत्री पुष्कर सिंह धामी यांच्या अध्यक्षतेखाली रविवारी मंत्रिमंडळाची बैठक झाली. बैठकीत मंत्रिमंडळाने समान नागरी संहितेच्या मसुद्याच्या प्रस्तावाला मंजुरी दिली आहे. ६ फेब्रुवारी रोजी होणाऱ्या विधानसभेच्या अधिवेशनात हा प्रस्ताव मांडला जाणार आहे.Uttarakhand Cabinet approves UCC draft proposal

उत्तराखंड मंत्रिमंडळाची २४ तासांतील ही दुसरी बैठक होती. बैठकीतच यूसीसीचा मसुदा मंत्रिमंडळासमोर ठेवण्यात आला. मसुदा समितीने यूसीसीचा मसुदा मुख्यमंत्री पुष्कर सिंह धामी यांना २ फेब्रुवारी रोजी सादर केला होता

.उत्तराखंड सरकारला समितीने UCC ड्राफ्ट सादर केला; मुख्यमंत्री धामी म्हणाले- बऱ्याच दिवसांपासून प्रतीक्षा होती

उत्तराखंडसाठी यूसीसीचा मसुदा तयार करणाऱ्या समितीच्या प्रमुख शिफारशींमध्ये बहुपत्नीत्व आणि बालविवाहावर पूर्ण बंदी, सर्व धर्मातील मुलींसाठी समान विवाहयोग्य वय आणि घटस्फोटासाठी समान आधार आणि प्रक्रिया यांचा समावेश आहे.

सर्वोच्च न्यायालयाच्या निवृत्त न्यायाधीश रंजना प्रकाश देसाई यांच्या अध्यक्षतेखालील सरकारने नियुक्त केलेल्या पाच सदस्यीय समितीने शुक्रवारी उत्तराखंडचे मुख्यमंत्री पुष्कर सिंह धामी यांना ७४९ पानांचा, चार खंडांचा अहवाल सादर केला.