बिबट्या आणि मांजर सहा तास होते एकाच विहिरीत, जाणून घ्या, नेमकं काय घडलं?

By, Pravin Wankhade - December 7, 2023 02:00:29

0

रत्नागिरी जिल्ह्यातील एका छोट्याशा गावातील आहे ही घटना

विशेष प्रतिनिधी

नवी मुंबई : रत्नागिरी जिल्ह्यातील एका गावात एक बिबट्या एका पाळीव मांजराची शिकार करण्यसाठी तिचा पाठलाग करत होता, तर जीव वाचण्यासाठी मांजर सैरावैरा धावत सुटली होती आणि लपण्यासाठी जागा शोधत होती. तेवढ्यात तिने समोर आलेल्या विहीरीत उडी मारली, तर तिच्या पाठोपाठ बिबट्यानेही तिला पकडण्यासाठी विहीरीत झेप घेतली.The leopard and the cat were in the same well for six hours know what really happened

बिबट्या सफारी पार्क बारामतीत नव्हे, तर जुन्नर तालुक्यातील आंबेगव्हाण येथेच!!

जेव्हा हे दोघेही २० फूट विहीरीत पडले, तेव्हा कदाचित त्यांना त्यांच्या कृतीची जाणीव झाली. कारण, आतापर्यंत पळापळ करत असलेले हे दोन्ही प्राणी त्या विहीरीतील पाण्यात बुडून स्वत:चा जीव वाचवण्यासाठी एकमेकांसमोरच तब्बल सहातास विहीरीच्या भिंतीला धरून बसलेले होते. जणू काही त्यांच्यातील शत्रूत्व संपलं होतं. विहीरीत अवघ्या दोन फूट खोल पाण्याने त्यांना विभक्त केलं होतं. दोन्ही प्राणी आपल्या जीवासाठी विहीरीच्या आतील भिंतीला धरून बसले होते.

In that moment of life and death, your survival is most important than anything else. A leopard fell into a well while chasing a cat..
Video Via: @ranjeetnature #Survival #wildlife #nature @MahaForest @susantananda3 pic.twitter.com/ikZ5HdI4b4

— Surender Mehra IFS (@surenmehra) February 15, 2023

मंगळवारी गुहागरमधील नरवन गावच्या स्थानिक लोकांच्या मदतीने वन अधिकाऱ्यांनी सहा तासांपेक्षा अधिक कालवधीनंतर त्या दोघांची विहीरीतून बाहेर काढत सुटका केली. उपेंद्र नाटुसकर यांच्या मालकीच्या विहीरीतून बिबट्याला बाहेर काढण्यासाठी मोठा पिंजरा विहीरीत सोडला गेला होता. त्यानंतर मग गावकऱ्यांनी मांजरीलाही सुखरुप बाहेर काढलं. अशाप्रकारे हे दोन्ही प्राणी जणू काही त्यांची गोष्ट सांगण्यासाठीच जिवंत विहीरीच्या बाहेर आल्याचे जाणवले.

यानंतर वन अधिकाऱ्याने सांगितले, शिकाराचा पाठलाग करताना विहीरीत पडलेल्या जंगली प्राण्यांची सुटका करताना, अनेक रंजक गोष्टी घडतात. आतापर्यंतच्या घटनांवरून असं दिसून आलं आहे की, जंगली प्राणी विहीरीत पडल्यानंतर अशा अस्थेत त्याच्या शिकारावर हल्ला करत नाहीत. या अगोदर एक कुत्रा आणि बिबट्याला सुद्धा जिवंत विहीतून बाहेर काढले गेले होते. या घटननंतर बिबट्याला जंगलात सोडले गेले तर मांजर त्याच्या मालकाकडे परत गेले. अशाप्रकारे या मांजर आणि बिबट्याच्या छोट्याशा घटनेचाही आनंददायी शेवट झाला.