कोलकाता विमानतळावर आग; चेक इन काउंटर जळाले, अग्निशमन दलाच्या 3 गाड्यांनी 20 मिनिटांत विझविली; सेवा पुन्हा सुरू|Fire at Kolkata Airport; Check in counter caught fire, extinguished by 3 fire engines within 20 minutes

कोलकाता विमानतळावर आग; चेक इन काउंटर जळाले, अग्निशमन दलाच्या 3 गाड्यांनी 20 मिनिटांत विझविली; सेवा पुन्हा सुरू

वृत्तसंस्था

कोलकाता : कोलकात्याच्या नेताजी सुभाषचंद्र बोस आंतरराष्ट्रीय विमानतळावर बुधवारी रात्री 9.20च्या सुमारास आग लागली. अग्निशमन दलाच्या 3 गाड्या घटनास्थळी पोहोचल्या आणि सकाळी 9.40 वाजता आगीवर नियंत्रण मिळवण्यात यश आले. आग लागली तेव्हा प्रवासीही मोठ्या संख्येने उपस्थित होते. सर्वांना सुखरूप बाहेर काढण्यात आले.Fire at Kolkata Airport; Check in counter caught fire, extinguished by 3 fire engines within 20 minutes

सीआयएसएफच्या अधिकाऱ्याने सांगितले की, ही आग विमानतळाच्या 3सी डिपार्चर टर्मिनल इमारतीत लागली. प्रवासीही येथून चेक इन करतात. येथील शासकीय स्टोअर रूममध्ये ठेवलेल्या कागदपत्रांना प्रथम आग लागली, जी नंतर एसी डक्टमध्ये पसरली. यादरम्यान चेक इन काउंटरही जळाले.

टीएमसी नेत्याच्या हत्येनंतर कोलकाता येथे हिंसाचार; घरांना लावलेल्या आगीत 10 जणांचा मृत्यू

विमानतळावर काही काळ प्रवाशांच्या वाहतुकीवर परिणाम झाला होता, तो आता पूर्णपणे सामान्य झाला आहे. सर्व सेवा पुन्हा सुरू करण्यात आल्या आहेत.

सिंधिया यांनी विमानतळावर चेक इन प्रक्रिया सुरू झाल्याची माहिती दिली

नागरी विमान वाहतूक मंत्री ज्योतिरादित्य सिंधिया यांनी ट्विट करून कोलकाता विमानतळावरील घटनेची माहिती दिली आहे. त्यांनी लिहिले की, विमानतळाच्या चेक-इन काउंटरजवळ किरकोळ आग लागली. मी विमानतळ संचालकांच्या संपर्कात असून परिस्थिती नियंत्रणात आहे. तेथून सर्व प्रवासी आणि कर्मचाऱ्यांना बाहेर काढण्यात आले आहे.

सर्वजण सुरक्षित असून जखमींची माहिती नाही. चेक-इन प्रक्रिया रात्री 10:25 वाजता पुन्हा सुरू झाली. आग नेमकी कशामुळे लागली याबाबत सध्या कोणतीही माहिती मिळालेली नाही. ते लवकरात लवकर कळेल.