Land For Job Scam प्रकरणात ‘ED’चा लालूंना दणका, सहा कोटींची मालमत्ता जप्त! In the case of Land For Job Scam ED slaps Lalu Prasad Yadav seizes property worth six crores

Land For Job Scam प्रकरणात ‘ED’चा लालूंना दणका, सहा कोटींची मालमत्ता जप्त!

EDने लालू यादव आणि कुटुंबाविरुद्ध मनी लाँड्रिंगचा गुन्हा दाखल केला होता.

विशेष प्रतिनिधी

नवी दिल्ली : अंमलबजावणी संचालनालय म्हणजेच ‘ED’ने जमिनीच्या बदल्यात नोकरीच्या प्रकरणात लालू प्रसाद यादव यांच्या कुटुंबाची मालमत्ता जप्त केली आहे. ही मालमत्ता लालूंची पत्नी राबडी देवी, मुलगी मिसा भारती, मुलगी हेमा यादव यांचे पती विनित यादव, हेमा यादव यांचे सासरे शिवकुमार यादव यांची आहे. In the case of Land For Job Scam ED slaps Lalu Prasad Yadav seizes property worth six crores

याशिवाय मेसर्स एबी एक्सपोर्ट्स प्रायव्हेट लिमिटेड आणि मेसर्स एके इन्फोसिस्टम प्रायव्हेट लिमिटेड या दोन कंपन्याही संलग्न करण्यात आल्या आहेत. संलग्न मालमत्तेची एकूण किंमत 6.02 कोटी रुपये आहे.

CBIमध्ये नोंदवलेल्या गुन्ह्याच्या आधारे EDने लालू यादव आणि कुटुंबाविरुद्ध मनी लाँड्रिंगचा गुन्हा दाखल केला होता. लालू यादव 2004 ते 2009 या काळात रेल्वेमंत्री असताना त्या काळात जमिनीच्या बदल्यात रेल्वेत नोकऱ्या दिल्याचा आरोप करण्यात आला होता. ही नोकरी गट ड मध्ये देण्यात आली होती.