द फोकस एक्सप्लेनर : गँगस्टर अतिक अहमदच्या 44 वर्षांच्या गुन्ह्यांची कहाणी, दहशतीचा एका मिनिटात झाला अंत

By, Pravin Pawar - April 16, 2023 09:35:50

0

उमेश पाल हत्येतील आरोपी असद आणि गुलाम यांच्या एन्काउंटरनंतर अवघ्या दोनच दिवसांत गँगस्टर अतिक अहमद आणि त्याचा भाऊ अशरफ यांचीही हत्या करण्यात आली आहे. वैद्यकीय तपासणीसाठी कोल्विन रुग्णालयात नेत असताना दोघांवरही गोळीबार झाला.The Focus Explainer: The Story of Gangster Atiq Ahmed’s 44 Years of Crime, Terror Ended in One Minute

अतिक आणि अशरफ यांची प्रयागराजमधील मेडिकल कॉलेजजवळ हल्लेखोरांनी गोळ्या झाडून हत्या केली. यावेळी हल्लेखोरांनी जय श्री रामच्या घोषणा दिल्याचे सांगण्यात येत आहे. अतिक आणि अशरफ यांची हत्या करणाऱ्या तीन हल्लेखोरांना पोलिसांनी अटक केली आहे.

द फोकस एक्सप्लेनर : कसा होतो हिंडेनबर्गचा रिपोर्ट, अमाप कमाई करणारे कोण आहेत नॅथन अँडरसन? वाचा सविस्तर

या पार्श्वभूमीवर आजच्या द फोकस एक्सप्लेनरमध्ये जाणून घेऊयात की, उत्तर प्रदेशसारख्या मोठ्या राज्याचा गँगस्टर अतिक अहमदचे गुन्हे होते तरी काय? कसा 44 वर्षांच्या गुन्हेगारी कारकीर्दीचा अवघ्या एका मिनिटात अंत झाला…

वयाच्या 17व्या वर्षी खुनाचा आरोपी, खंडणी वसुलीला सुरुवात

अतिक अहमदची गुन्हेगारी कथा सुमारे 44 वर्षांपूर्वी 1979 मध्ये सुरू झाली. त्यावेळी फिरोज अहमद यांचे कुटुंब अलाहाबादच्या चकिया परिसरात राहत होते, ते कुटुंबाच्या उदरनिर्वाहासाठी टांगा चालवत असत. फिरोज यांचा मुलगा अतिक हा हायस्कूलमध्ये नापास झाला होता. यानंतर शिक्षणात त्याचे मन लागले नाही. त्याला झटपट श्रीमंत होण्याचा मोह झाला. त्यामुळेच तो चुकीच्या व्यवसायात उतरला आणि खंडणी वसूल करू लागला.

वयाच्या अवघ्या 17 व्या वर्षी अतिक अहमदवर हत्येचा आरोप होता. त्यावेळी जुन्या शहरात चांदबाबाची दहशत होती. पोलिस आणि नेते दोघांनाही चांद बाबाची भीती संपवायची होती. त्यामुळे अतिक अहमदला पोलिस आणि राजकारण्यांची साथ मिळाली. पण नंतर अतिक अहमद हा चांद बाबापेक्षाही धोकादायक ठरू लागला.

यानंतर जून 1995 मध्ये लखनऊ गेस्ट हाऊस घोटाळ्यातही अतिक अहमदचे नाव समोर आले होते. मायावतींवर हल्ला करणाऱ्या या घोटाळ्यातील तो मुख्य आरोपी होता. मायावतींनी गेस्ट हाऊस घटनेतील अनेक आरोपींना माफ केले होते, पण अतिक अहमदला सोडले नाही.

मायावती सत्तेत आल्यानंतर अतिक अहमदची उलटगणती सुरू झाली. मायावती राजवटीत अतिक अहमदवर कायदेशीर फास घट्ट करण्याबरोबरच, त्याच्या मालमत्तेवर बुलडोझर चालवण्यापासून अनेक मोठ्या कारवाया करण्यात आल्या.

यूपीमध्ये मायावती सरकारच्या काळात अतिक अहमद तुरुंगात होता. बसपाच्या काळात अतिकचे कार्यालय उद्ध्वस्त करण्यात आले तसेच त्याची मालमत्ता जप्त करण्यात आली आणि त्याला तुरुंगात पाठवण्यात आले. मायावतींच्या राजवटीत त्याची राजकीय पकड केवळ कमकुवत झाली नाही, तर पूर्णपणे नष्ट झाली होती.

सन 2004 – अतिक खासदार झाला

हा हल्ला आणि हत्याकांड समजून घ्यायचे असेल तर सुमारे 19 वर्षे मागे जावे लागेल. देशात यापूर्वीच सार्वत्रिक निवडणुका झाल्या होत्या. बाहुबली नेता अतिक अहमदने यूपीच्या फुलपूर लोकसभा मतदारसंघातून समाजवादी पक्षाच्या तिकिटावर विजय मिळवला.

यापूर्वी अतिक अहमद अलाहाबाद पश्चिम विधानसभा मतदारसंघातून आमदार होता. मात्र खासदार झाल्यानंतर ती जागा रिक्त झाली होती. त्यानंतर काही दिवसांनी पोटनिवडणूक जाहीर झाली. या जागेवर सपाने खासदार अतिक अहमदचा धाकटा भाऊ अशरफला उमेदवारी दिली. मात्र, बहुजन समाज पक्षाने अशरफसमोर राजू पाल यांना उमेदवारी दिली. पोटनिवडणूक झाली तेव्हा धक्कादायक निकाल समोर आले, बसपाचे उमेदवार राजू पाल यांनी अतिक अहमदचा भाऊ अशरफचा पराभव केला.

यानंतर जून 1995 मध्ये लखनऊ गेस्ट हाऊस घोटाळ्यातही अतिक अहमदचे नाव समोर आले होते. मायावतींवर हल्ला करणाऱ्या या घोटाळ्यातील तो मुख्य आरोपी होता. मायावतींनी गेस्ट हाऊस घटनेतील अनेक आरोपींना माफ केले होते, पण अतिक अहमदला सोडले नाही.

25 जानेवारी 2005 – राजू पाल हत्याकांड

पोटनिवडणुकीत अशरफचा पराभव झाल्याने अतिक अहमदच्या गँगमध्ये खळबळ उडाली होती. हळूहळू प्रकरण शांत झाले. मात्र, राजू पाल यांच्या विजयाचा आनंद फार काळ टिकू शकला नाही. पहिल्यांदा आमदार झालेल्या राजू पाल यांची काही महिन्यांनी 25 जानेवारी 2005 रोजी भरदिवसा गोळ्या झाडून हत्या करण्यात आली. या हत्याकांडात देवी पाल आणि संदीप यादव नावाच्या दोघांचाही मृत्यू झाला होता. तर अन्य दोन जण गंभीर जखमी झाले होते. या हत्याकांडाने यूपीच्या राजकारणात खळबळ उडाली होती.

या खळबळजनक हत्याकांडात तत्कालीन खासदार अतिक अहमद आणि त्याचा भाऊ अशरफ यांची नावे थेट समोर आली होती. राजू पाल यांच्या पत्नी पूजा पाल यांनी एफआयआर दाखल केला होता. आमदार राजू पाल यांची भरदिवसा हत्या झाल्याने संपूर्ण परिसर हादरला होता. सपा खासदार अतिक अहमदवर बसपने हल्लाबोल केला होता. त्याचवेळी दिवंगत आमदार राजू पाल यांच्या पत्नी पूजा पाल यांनी धुमनगंज पोलीस ठाण्यात खुनाचा गुन्हा दाखल केला होता. त्या अहवालात खासदार अतिक अहमद, त्याचा भाऊ अशरफ, खालिद अझीम यांची नावे होती. गुन्हा दाखल झाल्यानंतर पोलिसांनी या प्रकरणाचा तपास सुरू केला.

मुख्य साक्षीदार होता उमेश पाल

उमेश पाल हा या हायप्रोफाईल खून खटल्यातील महत्त्वाचा प्रत्यक्षदर्शी साक्षीदार होता. या प्रकरणाचा तपास सुरू असताना उमेश पालला धमक्या मिळू लागल्या. आपल्या जिवाला धोका असल्याचे सांगून त्याने पोलीस आणि न्यायालयाकडे संरक्षणाची विनंती केली. यानंतर, न्यायालयाच्या आदेशानुसार उमेश पाल यांना यूपी पोलिसांनी सुरक्षेसाठी दोन गनर सोबत दिले होते.

6 एप्रिल 2005

आमदार राजू पाल खून प्रकरणाचा तपास आणि तपासात गुंतलेल्या पोलिसांनी अहोरात्र एक केले होते. हत्येचा तपास केल्यानंतर पोलिसांनी तत्कालीन सपा खासदार अतिक अहमद आणि त्यांच्या भावासह 11 जणांविरुद्ध आरोपपत्र दाखल केले.

22 जानेवारी 2016

राजू पाल यांचे कुटुंबीयही सीआयडीच्या तपासावर नाराज होते. निराश होऊन त्यांनी सर्वोच्च न्यायालयात धाव घेतली. या प्रकरणाची सुनावणी झाल्यानंतर देशाच्या सर्वोच्च न्यायालयाने या प्रकरणाचा तपास सीबीआयकडे सोपवण्याचे आदेश दिले होते.

20 ऑगस्ट 2019

सर्वोच्च न्यायालयाच्या आदेशानुसार सीबीआयने राजू पाल हत्याकांडात नवा गुन्हा दाखल करून तपास सुरू केला. जवळपास तीन वर्षांच्या तपासानंतर सीबीआयने सर्व आरोपींविरुद्ध आरोपपत्र दाखल केले.

1 ऑक्टोबर 2022

दिवंगत आमदार राजू पाल खून खटल्याची सुनावणी करताना विशेष सीबीआय न्यायालयाच्या न्यायाधीश कविता मिश्रा यांनी सहा आरोपींवर आरोप निश्चित केले. या हत्याकांडात माजी आमदार अशरफ, माजी खासदार अतिक अहमदचा भाऊ यांच्यासह इतर लोकांचा सहभाग होता. सर्व आरोपींविरुद्ध खून, हत्येचा कट आणि खुनाचा प्रयत्न असे आरोप निश्चित करण्यात आले. मात्र, न्यायालयासमोर आरोपींनी आरोप फेटाळून लावत खटला चालवण्याची मागणी केली. खटल्याच्या सुनावणीसाठी आरोपी अशरफ आणि फरहान यांना तुरुंगातून आणून न्यायालयात हजर करण्यात आले. जामिनावर सुटलेले रणजीत पाल, आबिद, इसरार अहमद आणि जुनैद हे स्वतःहून न्यायालयात हजर झाले.

24 फेब्रुवारी 2023

वास्तविक, या हल्ल्यात ठार झालेला उमेश पाल हा प्रयागराजच्या राजुपाल हत्याकांडाचा महत्त्वाचा साक्षीदार होता. त्याच्या साक्षीवरूनच बाहुबली अतिक अहमदसह सर्व आरोपींविरुद्ध आरोपपत्र दाखल करण्यात आले.

उमेश पाल यांना यापूर्वीही धमक्या आल्या होत्या. त्यामुळेच न्यायालयाच्या आदेशानुसार यूपी पोलिसांनी त्यांना दोन सुरक्षा कर्मचारी म्हणजेच गनर पुरविले होते. 24 फेब्रुवारी रोजी प्रयागराजच्या धुमनगंज भागात उमेश पाल यांच्यावर पूर्ण तयारीनिशी हल्ला करून त्यांची हत्या करण्यात आली होती. पोलीस आता या संपूर्ण प्रकरणाचा तपास करत आहेत.

15 एप्रिल 2023

उमेश पाल खून प्रकरणात आरोपी असलेल्या अतिक अहमद आणि त्याचा भाऊ अशरफ यांना पोलिस संरक्षणात केल्विन हॉस्पिटलमध्ये वैद्यकीय तपासणीसाठी नेण्यात आले होते. रात्रीच्या सुमारास ते रुग्णालयात बाहेर येताच पत्रकारांचा त्यांना गराडा पडला. अनेक वृत्तवाहिन्यांवर हे लाइव्ह दाखवण्यात येत होते. पत्रकारांच्या रूपात आलेल्या हल्लेखोरांनी पोलिसांसमक्षच या दोन्ही गँगस्टर्सवर गोळीबार केला. अवघ्या काही क्षणांतच या क्रूरकर्मा गँगस्टर्सचा मृत्यू झाला. यानंतर हल्लेखोरांनी पोलिसांसमोर आत्मसमर्पणही केले.