पश्चिम बंगालमधील बीरभूम येथील हिंसाचाराचा तपास केंद्रीय एजन्सी सीबीआयने हाती घेतला आहे. सीबीआयचे विशेष पथक घटनास्थळी रवाना झाल्याचे एजन्सीच्या सूत्रांनी सांगितले. या टीममध्ये सीबीआयच्या सीएफएसएलमधील तज्ज्ञ आणि एजन्सीच्या अधिकाऱ्यांचा समावेश आहे.
वृत्तसंस्था
नवी दिल्ली : पश्चिम बंगालमधील बीरभूम येथील हिंसाचाराचा तपास केंद्रीय एजन्सी सीबीआयने हाती घेतला आहे. सीबीआयचे विशेष पथक घटनास्थळी रवाना झाल्याचे एजन्सीच्या सूत्रांनी सांगितले. या टीममध्ये सीबीआयच्या सीएफएसएलमधील तज्ज्ञ आणि एजन्सीच्या अधिकाऱ्यांचा समावेश आहे.West Bengal Birbhum Violence Case CBI files case, team to visit spot soon
आदल्या दिवशी, बीरभूम हिंसाचार समाजमनाला ढवळून काढणारा असल्याचे सांगत कलकत्ता उच्च न्यायालयाने सीबीआयला या प्रकरणाचा तपास राज्य पोलिसांकडून घेण्याचे आणि पुढील सुनावणीच्या तारखेला प्रगती अहवाल सादर करण्याचे निर्देश दिले. आता हे प्रकरण 7 एप्रिलला सुनावणीसाठी येणार आहे.
उच्च न्यायालयाने बुधवारी या प्रकरणाची स्वत:हून दखल घेतली होती. न्यायालयाने म्हटले की, वस्तुस्थिती आणि परिस्थिती न्यायाच्या हितासाठी आणि समाजात विश्वास निर्माण करण्यासाठी तपास केंद्रीय अन्वेषण विभागाकडे (सीबीआय) सोपवण्याची मागणी करते.
21 मार्चच्या पहाटे बीरभूम जिल्ह्यातील रामपुरहाट शहराजवळील बोगातुई गावात काही घरे जाळण्यात आल्याने लहान मुले आणि महिलांसह आठ जणांचा मृत्यू झाला.
राज्य पोलीस किंवा सरकारने स्थापन केलेल्या विशेष तपास पथकाला (एसआयटी) या प्रकरणाचा पुढील तपास न करण्याचे निर्देश देत सरन्यायाधीश प्रकाश श्रीवास्तव यांच्या अध्यक्षतेखालील खंडपीठाने आदेश दिले की, पश्चिम बंगाल पोलिसांनी या प्रकरणातील सर्व कागदपत्रे तपासावीत. अटक करण्यात आलेले आरोपी आणि संशयितांना केंद्रीय तपास यंत्रणेकडे सोपवण्यात यावे.
“गुन्ह्याचे गांभीर्य लक्षात घेता, अपेक्षेप्रमाणे तपास झाला नाही, असे आमचे मत आहे,” असे न्यायालयाने एसआयटीच्या तपासातील त्रुटींचा तपशील न देता सांगितले.
To be published, comments must be reviewed by the administrator.*
Our website uses cookies to improve your experience. Learn more