CM Pushkar Singh Dhami Oath Ceremony : 45 वर्षीय धामी बनले राज्याचे सर्वात तरुण मुख्यमंत्री, सतपाल यांच्यासह 11 जुन्या मंत्र्यांच्याही शपथविधी

Uttrakhand New CM Pushkar Singh Dhami Oath Ceremony Updates

CM Pushkar Singh Dhami Oath Ceremony : पुष्करसिंह धामी यांनी रविवारी उत्तराखंडच्या मुख्यमंत्रिपदाची शपथ घेतली. राज्यपाल बेबी राणी मौर्य यांनी त्यांना शपथ दिली. शनिवारी झालेल्या भाजप विधिमंडळ गटाच्या बैठकीत धामी यांच्या नावावर सहमती झाली होती. शपथ घेण्यापूर्वी धामी स्टेजवरून खाली उतरले आणि सतपाल महाराजांना भेटायला गेले. धामी यांना मुख्यमंत्री बनवल्यामुळे सतपाल महाराज संतप्त असल्याचे सांगितले जात होते. Uttrakhand New CM Pushkar Singh Dhami Oath Ceremony Updates


विशेष प्रतिनिधी

डेहराडून : पुष्करसिंह धामी यांनी रविवारी उत्तराखंडच्या मुख्यमंत्रिपदाची शपथ घेतली. राज्यपाल बेबी राणी मौर्य यांनी त्यांना शपथ दिली. शनिवारी झालेल्या भाजप विधिमंडळ गटाच्या बैठकीत धामी यांच्या नावावर सहमती झाली होती. शपथ घेण्यापूर्वी धामी स्टेजवरून खाली उतरले आणि सतपाल महाराजांना भेटायला गेले. धामी यांना मुख्यमंत्री बनवल्यामुळे सतपाल महाराज संतप्त असल्याचे सांगितले जात होते.

मुख्यमंत्री झाल्यानंतर सतपाल महाराज, हरकसिंग रावत, डॉ. धनसिंग रावत, बन्सीधर भगत, यशपाल आर्य, सुबोध उनियाल, अरविंद पांडे, बिशनसिंग, गणेश जोशी, रेखा आर्य आणि यतिश्वरानंद यांना पदाची शपथ दिली गेली. मंत्री झालेल्या सर्व आमदारांचा यापूर्वी मंत्रिमंडळात समावेश होता.

कधी मंत्रीही नव्हते, धामी थेट मुख्यमंत्रिपदी

पिथौरागडमध्ये जन्मलेले 45 वर्षांचे पुष्करसिंह धामी हे राज्यातील सर्वात तरुण मुख्यमंत्री आहेत. दोन वेळा आमदार राहिलेले धामी उत्तराखंड सरकारमध्ये कधी मंत्रीही झाले नव्हते, परंतु आता ते थेट मुख्यमंत्रिपदाची सूत्रे स्वीकारतील. शनिवारी माध्यमांशी बोलताना ते म्हणाले की, एका सर्वसामान्य कार्यकर्त्याला राज्याची सेवा करण्याची संधी दिल्याबद्दल मी पक्षश्रेष्ठींचा आभारी आहे. बहुमत असूनही नेतृत्वाच्या अस्थिरतेबरोबर सतत संघर्ष करत असलेल्या भाजपने मुख्यमंत्री बदलण्याचा निर्णय घेतला होता.

शुक्रवारी तीरथसिंग रावत यांनी राजीनामा दिल्यानंतर शनिवारी भाजप विधिमंडळ पक्षाची बैठक झाली. नरेंद्रसिंह तोमर आणि डी. पुरंदेश्वरी यात केंद्रीय निरीक्षक म्हणून उपस्थित होते. बैठकीत तीरथसिंग रावत आणि भाजप प्रदेशाध्यक्ष मदन कौशिक यांनी खटिमाचे आमदार पुष्करसिंग धामी यांचे नाव प्रस्तावित केले. यावर केंद्रीय पर्यवेक्षकाच्या संमतीनंतरही दुसरे नाव प्रस्तावित झाले नव्हते.

Uttrakhand New CM Pushkar Singh Dhami Oath Ceremony Updates

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    शिंदे – फडणवीसांची समृद्धी महामार्गावर टेस्ट ड्राईव्ह मोदींनी केला जगातील सर्वात मोठा रोड शो! मंत्रालयात प्रवेशद्वाराजवळ महात्मा फुले, सावित्रीबाई फुले यांच्या तैलचित्राचे अनावरण