ओडिशा रेल्वे अपघातातील रुळ झाले दुरुस्त, वाहतूक पूर्ववत; रेल्वेमंत्री म्हणाले- जबाबदारी अजून संपली नाही|Tracks repaired in Odisha train accident, traffic restored; The Railway Minister said

ओडिशा रेल्वे अपघातातील रुळ झाले दुरुस्त, वाहतूक पूर्ववत; रेल्वेमंत्री म्हणाले- जबाबदारी अजून संपली नाही

वृत्तसंस्था

बालासोर : ओडिशातील बालासोर येथील रेल्वे अपघातातील ट्रॅकच्या दुरुस्तीचे काम पूर्ण झाले आहे. रविवारी रात्री उशिरापासून गाड्यांची वाहतूक सुरू झाली आहे. दुसरीकडे, रेल्वेमंत्री अश्विनी वैष्णव 2 जूनपासून बालासोरच्या बहनगा बाजार स्टेशनवर थांबलेले आहेत. मदत व दुरुस्तीच्या कामाची त्यांनी स्वत: देखरेख केली.Tracks repaired in Odisha train accident, traffic restored; The Railway Minister said – the responsibility is not over yet

अपघातानंतर 51 तासांनंतर जेव्हा पहिली ट्रेन रुळावरून रवाना झाली तेव्हा रेल्वेमंत्री हात जोडून उभे असलेले दिसले. यावेळी ते म्हणाले की, आमची जबाबदारी अजून संपलेली नाही. हरवलेल्या लोकांना शोधणे हे आमचे ध्येय आहे. असे म्हणत तो भावुक झाले.

ओडिशा रेल्वे अपघातात घातपाताची दाट शक्यता; सीबीआय तपासाची थेट रेल्वेमंत्र्यांची शिफारस

तरुण झुडपात बेशुद्धावस्थेत सापडला

अपघाताच्या 48 तासांनंतर रविवारी रात्री घटनास्थळावरून एक प्रवासी जिवंत सापडला. अपघाताच्या वेळी तो डब्यातून बाहेर फेकला गेला आणि झुडपात बेशुद्ध पडला. दिलाल असे या तरुणाचे नाव असून तो आसामचा रहिवासी आहे. त्याला तत्काळ उपचारासाठी पाठवण्यात आले, जिथे त्याला शुद्ध आली. या घटनेत त्याचा फोन आणि पाकीट गायब झाले आहे.

ओडिशा सरकारने सांगितले – अपघातात 288 नव्हे, तर 275 जणांचा मृत्यू झाला

ओडिशाचे मुख्य सचिव प्रदीप जेना यांनी रविवारी सकाळी दावा केला की, या अपघातात 288 नव्हे तर 275 जणांचा मृत्यू झाला आहे. काही मृतदेहांची दोनदा मोजणी करण्यात आली, त्यामुळे मृतांच्या संख्येत तफावत असल्याचे त्यांनी सांगितले. या अपघातात 1175 जण जखमी झाले असून त्यापैकी 793 जणांना उपचारानंतर घरी सोडण्यात आले आहे.

यावर बंगालच्या मुख्यमंत्री ममता बॅनर्जी म्हणाल्या होत्या की, दुर्घटनेत प्राण गमावलेल्यांची यादी आमच्याकडे वाढत असली तरी त्यांच्याकडे ती कमी होत आहे. या दुर्घटनेत पश्चिम बंगालमधील 162 जणांना आपला जीव गमवावा लागला आहे. अद्यापपर्यंत संपूर्ण यादी सापडलेली नाही. असे बरेच लोक प्रवास करतात जे यादीत नाहीत. 182 मृतदेहांची अद्याप ओळख पटलेली नाही.