देशातील सर्वात मोठ्या बॅँक फसवणूक प्रकरणात एबीजी शिपयार्डच्या माजी अध्यक्षावर गुन्हा

By, Sachin Deshmukh - February 14, 2022 06:30:35

0

विशेष प्रतिनिधी

नवी दिल्ली : देशातील सर्वात मोठे बँक फसवणूक प्रकरण म्हटले जाणाऱ्या एबीजी शिपयार्ड फसवणूक प्रकरणात सीबीआयने एबीजी शिपयार्डचे माजी अध्यक्ष आणि व्यवस्थापकीय संचालक ऋषी कमलेश अग्रवाल आणि त्यांच्या सहकाऱ्यांवर गुन्हा दाखल केला आहे. आरोपींनी स्टेट बँक ऑफ इंडियासह इतर 27 बँका आणि वित्तीय संस्थांची 22,842 कोटी रुपयांहून अधिक रुपयांनी फसवणूक केल्याचा आरोप आहे.The former chairman of ABG Shipyard has been charged in the country’s biggest bank fraud case

एबीजी शिपयार्ड लिमिटेड ही जहाज बांधणी आणि जहाज दुरुस्तीच्या व्यवसायात असलेली कंपनी आहे. ही कंपनी एबीजी ग्रुपच्या मालकीची आहे. कंपनीचे प्रवर्तक ऋषी अग्रवाल आहेत. कंपनीचे शिपयार्ड गुजरातमधील दहेज आणि सुरत येथे आहेत. एबीजी शिपयार्डने मागील 16 वर्षांत 165 हून अधिक जहाजे बांधली आहेत.

ABG Fraud Case : तब्बल 28 बँकांची फसवणूक, एबीजी शिपयार्डच्या 22 हजार कोटींच्या घोटाळ्यावर एसबीआयने काय म्हटले? वाचा सविस्तर…

एबीजी शिपयार्डचे कर्ज खाते प्रथम जुलै 2016 मध्ये नॉन परफॉर्मिंग अ‍ॅसेट म्हणून घोषित करण्यात आले. स्टेट बँकेने 8 नोव्हेंबर 2019 रोजी पहिली तक्रार दाखल केली. 2019 मध्ये कर्ज खात्याला फसवणूक म्हणून घोषित करण्यात आले. सीबीआयने 12 मार्च 2020 रोजी स्टेट बँकेच्या तक्रारीवर काही स्पष्टीकरण मागितले.

सीबीआयने ऑगस्ट 2020 मध्ये नवीन तक्रार दाखल केली. 7 फेब्रुवारी 2022 रोजी तक्रारीच्या एफआयआरवर दीड वर्षांडून अधिक काळ तपासणी केल्यानंतर स्टेट बँकेच्या तक्रारीवर कारवाई केली.अग्रवाल व्यतिरिक्त, सीबीआयने तत्कालीन कार्यकारी संचालक संथानम मुथास्वामी, संचालक अश्विनी कुमार, सुशील कुमार अग्रवाल आणि रवी विमल नेवेटिया आणि आणखी एक कंपनी एबीजी इंटरनॅशनल प्रायव्हेट लिमिटेड यांची नावे दिली आहेत.

सीबीआयने त्यांच्यावर गुन्हेगारी कट रचणे, फसवणूक करणे, विश्वासाचा भंग करणे आणि आयपीसी आणि भ्रष्टाचार प्रतिबंधक कायद्यांतर्गत अधिकृत पदाचा गैरवापर केल्याचा गुन्हा दाखल केला आहे. सीबीआयने आपल्या अधिकृत निवेदनात म्हटले आहे की

सुरत, भरूच, मुंबई, पुणे इत्यादी ठिकाणी खाजगी कंपनीच्या संचालकांसह आरोपींच्या परिसरात 13 ठिकाणी झडती घेण्यात आली. कागदपत्रे जप्त करण्यात आली. बँकांनी ज्यासाठी निधी जारी केला होता त्याशिवाय इतर हेतूंसाठीच एबीजी शिपयार्डने कर्जापोटी घेतलेली रक्कम वापरली.