सर्वसामान्यांची आमदनी वाढली असेल, तर महागाई वाढणारच; मध्य प्रदेशच्या मंत्र्यांचे अजब तर्कट|the common man has increased, then inflation will rise; Strange argument of Madhya Pradesh ministers

सर्वसामान्यांची आमदनी वाढली असेल, तर महागाई वाढणारच; मध्य प्रदेशच्या मंत्र्यांचे अजब तर्कट

वृत्तसंस्था

इंदूर : सर्वसामान्य माणसाची आमदनी वाढली असेल, तर महागाई देखील थोडीफार वाढणारच, हे स्वीकारले पाहिजे, असे अजब तर्कट मध्य प्रदेशचे ग्रामीण विकास मंत्री महेंद्र सिंग सिसोदिया यांनी मांडले आहे. मी थोडा प्रॅक्टिकल बोलतो, असे पत्रकार परिषदेत सांगून महेंद्र सिंग सिसोदिया यांनी सध्याच्या वाढत्या महागाईचे एक प्रकारे समर्थनच केले आहे.the common man has increased, then inflation will rise; Strange argument of Madhya Pradesh ministers

ते म्हणाले, की सामान्य माणसाची आमदनी जर वाढली असेल, तर थोडीफार महागाई वाढेल हे स्वीकारले पाहिजे. दहा वर्षांपूर्वी सहा हजार रुपये पगार असणाऱ्या व्यक्तीला आज पन्नास हजार रुपये पगार मिळत असेल तर पेट्रोलचे आणि डिझेलचे भाव दहा वर्षांपूर्वीचेच राहिले पाहिजेत, अशी अपेक्षा करणे चूक आहे. त्यामुळे जर सर्वसामान्य माणसाची आमदनी वाढली असेल, पगार वाढला असेल तर थोडीफार महागाई होणारच आणि ती स्वीकारली पाहिजे, असे महेंद्र सिंग सिसोदिया म्हणाले.

मध्य प्रदेशचे मुख्यमंत्री शिवराज सिंह चौहान पंतप्रधान मोदींना भेटण्यासाठी पोहोचले दिल्लीला

कोरोना काळात सर्वसामान्य माणसाला फटका बसल्याची कबुली देखील त्यांनी दिली. पण त्याच वेळी सरकारची बाजू मांडताना महेंद्र सिंग सिसोदिया यांनी सरकार प्रत्येक गोष्ट जनतेला मोफत देऊ शकत नाही. कारण सरकारचे इन्कम सोर्सेस आणि महसूल हा देखील मर्यादित आहे. हे समजून घेतले पाहिजे, असे ते म्हणाले.

#WATCH | "Hasn't income of the common man increased? Govt can't give everything for free. People should understand that if their income is rising, then they will have to accept inflation also," says Madhya Pradesh Minister Mahendra Singh Sisodia in Indore pic.twitter.com/kpTdogH0Rh

— ANI (@ANI) October 31, 2021

दिवाळीसारख्या इं सणासुदीच्या काळात पेट्रोल डिझेलचे भाव गगनाला भिडले असताना महेंद्र सिंग सिसोदिया यांनी महागाईचे एक प्रकारे समर्थन केल्यामुळे सोशल मीडियावर ते ट्रोल होत आहेत. पेट्रोल-डिझेलच्या भावाने शंभरी पार केली आहे. तेवढ्या प्रमाणात सर्वसामान्य माणसाची आमदनी वाढली आहे का?, याचा विचार करा मंत्रीमहोदय!!, अशा शब्दात नेटिझन्सनी महेंद्र सिंग सिसोदिया यांना फटकारले आहे.