Monsoon Session : संसदेत निदर्शनांवर बंदी घालण्याचा काँग्रेसचा आरोप, लोकसभा अध्यक्ष ओम बिर्ला म्हणाले - ही नियमित प्रक्रिया|Monsoon Session Congress accused of banning protests in Parliament, Lok Sabha Speaker Om Birla said

Monsoon Session : संसदेत निदर्शनांवर बंदी घालण्याचा काँग्रेसचा आरोप, लोकसभा अध्यक्ष ओम बिर्ला म्हणाले – ही नियमित प्रक्रिया

वृत्तसंस्था

नवी दिल्ली : संसदेत असंसदीय शब्दांचा वाद अजून संपलेला नसून आज नवा वाद उफाळून आला आहे. काँग्रेस नेते आणि पक्षाचे मीडिया प्रभारी जयराम रमेश यांच्या ट्विटने हा गोंधळ सुरू झाला आहे. राज्यसभा सचिवालयाने जारी केलेल्या बुलेटिनचा संदर्भ देत रमेश यांनी ट्विटरच्या माध्यमातून केंद्र सरकारवर हल्लाबोल केला आणि म्हटले की, आता संसद भवनात निदर्शने आणि धरणे आंदोलने करण्यास बंदी घालण्यात आली आहे.Monsoon Session Congress accused of banning protests in Parliament, Lok Sabha Speaker Om Birla said – this is a regular process

मात्र, लोकसभा आणि राज्यसभा सचिवालयाने असे बुलेटिन जारी करणे ही काही नवीन बाब नसल्याचे तपासात आढळून आले आहे. लोकसभा सचिवालयातील सूत्रांनी सांगितले की, यंदा 31 जानेवारीपासून सुरू झालेले अर्थसंकल्पीय अधिवेशन सुरू होण्यापूर्वीच अशी नोटीस देण्यात आली होती. त्याचवेळी गेल्या वर्षी नोव्हेंबरमध्ये सुरू झालेले हिवाळी अधिवेशन आणि जुलैमध्ये सुरू झालेल्या पावसाळी अधिवेशनापूर्वीही अशी नोटीस देण्यात आली होती.

लोकसभा अध्यक्ष ओम बिर्ला यांनी राहुल गांधींना संसदेत का फटकारले, काय घडले नेमके? वाचा सविस्तर…

Vishguru's latest salvo — D(h)arna Mana Hai! pic.twitter.com/4tofIxXg7l

— Jairam Ramesh (@Jairam_Ramesh) July 15, 2022

या नोटिसांना न जुमानता विरोधी पक्षनेत्यांनी गेल्या तीन अधिवेशनांत कोणताही अडथळा न येता संसद भवन संकुलात आंदोलन सुरूच ठेवले. सोनिया गांधी आणि राहुल गांधी यांनीही अशा काही आंदोलनांमध्ये भाग घेतला होता. याशिवाय 2009 आणि 2013 मध्येही यूपीए सरकारच्या काळात अशाच नोटिसा बजावण्यात आल्या होत्या. या प्रकरणावर लोकसभा अध्यक्ष ओम बिर्ला म्हणाले की, यापूर्वीही अशा नोटिसा बजावण्यात आल्या आहेत. तथ्य नसताना आरोप करू नका, असा सल्लाही बिर्ला यांनी विरोधकांना दिला आहे.