आनंदाची बातमी : बुलंदशहरामध्ये होणार कोवॅक्सिनचे उत्पादन, बीआयबीसीओएलमध्ये दरमहा दीड कोटी डोस Covacin will be produced in Bulandshaharuttarpradesh

आनंदाची बातमी : बुलंदशहरामध्ये कोवॅक्सिनचे उत्पादन; पोलिओ लस बनविणाऱ्या संस्थेत दरमहा दीड कोटी डोस

वृत्तसंस्था

लखनौ : कोरोनाविरोधी लसीचा तुटवडा जाणवत आहे. परंतु आता लस तयार करण्यासाठी केंद्र सरकारने बुलंदशहरच्या भारत इम्युनोलॉजिकल अँड बायोलॉजिकल लिमिटेडला (बीआयबीसीओएल) मान्यता दिली आहे. बीआयबीसीओएलने यासाठी भारत बायोटेकशी करार केला. ऑक्टोबरपासून कोवॅक्सिनचे दीड कोटी डोस दरमहा तयार होतील. Covacin will be produced in Bulandshahar uttar pradesh

Covaxin : कोरोनाच्या डबल म्युटेंटवरही कोव्हॅक्सिन परिणामकारक, संशोधनाअंती ICMRचा निष्कर्ष

सेंट्रल ड्रग कंट्रोल ऑर्गनायझेशनने तीन कंपन्यांना कोवॅक्सिनच्या उत्पादनाची जबाबदारी दिली आहे. ज्यामध्ये बीआयबीसीओएल बुलंदशहराच्या चोला गावात आहे. ही भारत सरकारची एक कंपनी आहे. बीआयबीसीओएल आजवर पोलिओ लस तयार केली आहे. आता कोवॅक्सिन देखील बनविली जाईल. केंद्र सरकारनेही उत्पादनासाठी 30 कोटी बजेट दिले आहे.

पोलिओ लस उत्पादनापैकी 60% कंपनीचा वाटा

देशातील पोलिओ लस उत्पादनापैकी 60% वाटा बीआयबीसीओएलचा आहे. कंपनी दरवर्षी सुमारे 150 कोटी डोसची निर्मिती करते. उत्पादन क्षमता लक्षात घेऊन कंपनीला कोव्हॅक्सिन बनवण्याची जबाबदारी दिली आहे. बीआयबीसीओएल कंपनी ऑक्टोबरमध्ये कोवॅक्सिनचे डोस तयार करेल. इंडियन कौन्सिल ऑफ मेडिकल रिसर्च (आयसीएमआर) आणि भारत बायोटेक यांनी संयुक्तपणे ही देशी लस तयार केली आहे.