CDS Bipin Rawat Last Rites : अखेरच्या प्रवासाला निघाले सीडीएस रावत, अमर रहेच्या घोषणांनी दुमदुमला आसमंत

By, Sachin Deshmukh - December 10, 2021 03:37:35

0

जनरल बिपिन रावत यांचा अखेरच्या प्रवासाला सुरुवात झाली आहे. अंत्ययात्रेत हजारो लोक उपस्थित आहेत. यासोबतच 800 जवानही त्यांना सॅल्यूट करणार आहेत. सीडीएस बिपिन रावत यांना १७ तोफांची सलामी दिली जाईल. बिपीन रावत यांच्या पार्थिवावर सायंकाळी ५ वाजता अंत्यसंस्कार होणार आहेत.CDS Bipin Rawat Last Rites updates

वृत्तसंस्था

नवी दिल्ली : सीडीएस बिपिन रावत यांच्यासह तामिळनाडू हेलिकॉप्टर अपघातात प्राण गमावलेल्या सर्व 13 जणांना आज अंतिम निरोप देण्यात येत आहे. तत्पूर्वी, जनरल बिपिन रावत यांचे पार्थिव शुक्रवारी बेस हॉस्पिटलमधून त्यांच्या निवासस्थानी आणण्यात आले. येथे केंद्रीय गृहमंत्री अमित शहा, काँग्रेस नेते राहुल गांधी यांच्यासह सर्व नेत्यांनी त्यांना श्रद्धांजली वाहिली.

सीडीएस बिपिन रावत आणि मधुलिका रावत यांच्या मुली कृतिका आणि तारिणी यांनी त्यांच्या पालकांना श्रद्धांजली वाहिली. दुपारी 3.30 वाजता दिल्ली कॅंट ब्रार चौकात त्यांचे पार्थिव अंत्यदर्शनासाठी नेण्यात येणार आहे. 4.45 वाजता 17 तोफांची सलामी देऊन त्यांच्यावर अंत्यसंस्कार करण्यात येणार आहेत. यावेळी 800 सैनिक येथे उपस्थित राहणार आहेत.

CDS Bipin Rawat Death : बिपिन रावत आणि त्यांच्या पत्नीचे पार्थिव उद्या आणणार दिल्लीत, लष्कर प्रमुखांनीही व्यक्त केला शोक

#WATCH | Delhi: Citizens raise slogans of "Jab tak suraj chaand rahega, Bipin ji ka naam rahega", as the cortège of #CDSGeneralBipinRawat proceeds towards Brar Square crematorium in Delhi Cantonment. pic.twitter.com/s7sjV4vg73

— ANI (@ANI) December 10, 2021

अंत्ययात्रा सुरू

जनरल बिपिन रावत यांचा अखेरच्या प्रवासाला सुरुवात झाली आहे. अंत्ययात्रेत हजारो लोक उपस्थित आहेत. यासोबतच 800 जवानही त्यांना सॅल्यूट करणार आहेत. सीडीएस बिपिन रावत यांना १७ तोफांची सलामी दिली जाईल. बिपीन रावत यांच्या पार्थिवावर सायंकाळी ५ वाजता अंत्यसंस्कार होणार आहेत.

सीडीएस बिपिन रावत यांच्या अंत्ययात्रेत लोक उत्स्फूर्तपणे सहभागी झाले आहेत. “जबतक सूरज चांद रहेगा, बिपिन जी का नाम रहेगा” अशा घोषणा दिल्या जात आहेत. रावत यांची अंत्ययात्रा दिल्ली कॅन्टोन्मेंटमधील बेरार स्क्वेअर स्मशानभूमीकडे जात आहे.

Funeral procession of CDS Gen Bipin Rawat begins from his residence to Brar Square crematorium in Delhi Cantonment pic.twitter.com/s38AQq74mh

— ANI (@ANI) December 10, 2021

संरक्षण मंत्री राजनाथ सिंह त्यांच्या अंतिम दर्शनासाठी दुपारी ४ वाजता बेरार स्क्वेअरवर पोहोचतील.संरक्षण मंत्री राजनाथ सिंह दुपारी ४ वाजता बिपिन रावत यांच्या अंतिम दर्शनासाठी बेरार स्क्वेअर स्मशानभूमीत पोहोचतील. यादरम्यान त्यांच्यासोबत राष्ट्रीय सुरक्षा सल्लागार अजय भट्ट आणि तिन्ही लष्करप्रमुख असतील.

अधिकाऱ्यांच्या स्मशानभूमीपर्यंत पोहोचण्याची प्रक्रिया सुरू झाली आहे. भूतानचे डेप्युटी चीफ ऑफ मिशनही अंतिम दर्शनासाठी पोहोचले आहेत. अंतिम निरोप देण्यासाठी अमेरिकन दूतावासाचे अधिकारीही पोहोचले आहेत. जनरल विक्रम सिंग, बांगलादेश लष्कराचे अधिकारीही तेथे पोहोचले आहेत.