बाहुबली अन्सारीला अखेर योगीं आदित्यनाथांच्या ‘यूपी’त आणले, तुरुंगात व्हीआयपी ट्रीटमेंट नाही Bahubali Ansari was finally brought to Yogi Adityanath UP There is no VIP treatment in prison

बाहुबली अन्सारीला अखेर योगीं आदित्यनाथांच्या ‘यूपी’त आणले, तुरुंगात व्हीआयपी ट्रीटमेंट नाही

विशेष प्रतिनिधी

लखनौ – तब्बल चौदा तासांच्या प्रवासानंतर उत्तरप्रदेश पोलिसांनी पंजाबमधील रोपड येथील तुरुंगातून बाहुबली नेता मुख्तार अन्सारी याला आज पहाटे साडेचारच्या सुमारास बांदा येथील तुरुंगामध्ये आणले. Bahubali Ansari was finally brought to Yogi Adityanath UP There is no VIP treatment in prison

उत्तरप्रदेश पोलिसांचे पथक मंगळवारी दुपारी दोनच्या सुमारास अन्सारीला घेऊन रोपड येथून निघाले. पोलिसांच्या ताफ्यामध्ये दहा गाड्यांचा समावेश होता. यामध्ये दीडशे कर्मचारी होते. गाड्यांचा हा ताफा पतियाळा रोड मार्गे सायंकाळी चारच्या सुमारास हरियानातील करनाल येथे पोचला. यानंतर नोएडा, मथुरा, आग्रा, देहात, हमीरपूर मार्गे पहाटे ४.३४ च्या सुमारास तो यूपीतील बांदा येथे पोचला.

पंजाबमध्ये व्हीलचेअरवरून रुग्णवाहिकेमध्ये बसणारा अन्सारी यूपीमध्ये पोचल्यानंतर मात्र गाडीतून उतरून थेट तुरुंगामध्ये चालत गेला. यावेळी त्याच्या चेहऱ्यावर तणाव स्पष्टपणे दिसून येत होता, अशी माहिती प्रत्यक्षदर्शींनी दिली. यावेळी डॉक्टरांच्या एका पथकाने त्याची तपासणी देखील केली.

गँगस्टर मुख्तार अन्सारीला घेऊन यूपी पोलीस पंजाबमधून उत्तर प्रदेशाकडे रवाना, मुख्तारला बांदा जेलमध्ये ठेवणार

अन्सारी याला सुरुवातीला बराक क्रमांक पंधरामध्ये ठेवण्यात आले होते पण नंतर त्याला सोळा क्रमांकाच्या बराकीमध्ये हलविण्यात आले. याआधी अन्सारीला याच बराकीमध्ये ठेवण्यात आले होते. येथे अन्सारीची कोरोना चाचणी घेतली जाणार आहे. अन्सारीला ज्या बराकीमध्ये ठेवण्यात येईल तिथे सीसीटीव्ही कॅमेरे बसविण्यात आले असून तिथे त्याच्याशिवाय अन्य कोणत्याही कैद्याला ठेवले जाणार नाही.

अपराधी या माफिया कितना भी बड़ा क्यूं ना हो, पाताल से भी ढूंढ लाएंगे !! pic.twitter.com/p4Ssde0tRh

— Dr. Shalabh Mani Tripathi (मोदी का परिवार) (@shalabhmani) April 7, 2021

अन्सारीला या तुरुंगामध्ये कोणत्याही प्रकारची व्हीआयपी ट्रीटमेंट दिली जाणार नसल्याचे तुरुंग प्रशासन विभागाचे मंत्री जयप्रतापसिंह जॅकी यांनी सांगितले. सर्वसामान्य कैद्यांना ज्या सुविधा दिल्या जातात त्याच अन्सारीला येथे देण्यात येतील असेही त्यांनी नमूद केले. सीसीटीव्ही कॅमेऱ्याच्या माध्यमातून त्याच्या प्रत्येक हालचालीवर नजर ठेवण्यात येईल.