Mamata Banerjee : पश्चिम बंगालच्या मुख्यमंत्री ममता बॅनर्जी यांनी केंद्रीय सुरक्षा दलांवर भारतीय जनता पार्टीला (भाजपा) मदत करून मतदारांना मतदानापासून रोखत असल्याचा आरोप केला होता. ममतांच्या या वक्तव्याची दखल निवडणूक आयोगाने घेतली असून ममतांना नोटीस बजावण्यात आली आहे. यापूर्वी आयोगाने ममतांना ‘मुस्लिमांनी एकजूट व्हावे’ या वक्तव्यावर नोटीस पाठविली होती. Another notice from Election Commission to Mamata Banerjee
विशेष प्रतिनिधी
कोलकाता : पश्चिम बंगालच्या मुख्यमंत्री ममता बॅनर्जी यांनी केंद्रीय सुरक्षा दलांवर भारतीय जनता पार्टीला (भाजपा) मदत करून मतदारांना मतदानापासून रोखत असल्याचा आरोप केला होता. ममतांच्या या वक्तव्याची दखल निवडणूक आयोगाने घेतली असून ममतांना नोटीस (notice from Election Commission to Mamata Banerjee) बजावण्यात आली आहे. यापूर्वी आयोगाने ममतांना ‘मुस्लिमांनी एकजूट व्हावे’ या वक्तव्यावर नोटीस पाठविली होती.
निवडणूक आयोगाने काल 8 एप्रिल रोजी पाठवलेल्या दुसर्‍या नोटिशीमध्ये ममता बॅनर्जी यांच्या त्या वक्तव्याचा संदर्भ आहे, ज्यात त्यांनी केंद्रीय सुरक्षा दलाच्या भूमिकेवर प्रश्नचिन्ह उपस्थित केले होते. 21 फेब्रुवारी रोजी टीएमसीच्या शिष्टमंडळाने बांगलादेश सीमेच्या सुरक्षेत तैनात असलेल्या बीएसएफवर एका पक्षाच्या वतीने गावकऱ्यांना धमकावल्याचा आरोप केला.
ममता यांना पाठविलेल्या नोटिशीमध्ये बीएसएफवरील आरोपांबाबत निवडणूक आयोगाचे म्हणणे आहे की, बीएसएफवर आरोप करणे दुर्दैवी आहे, बीएसएफ देशातील एक सर्वोत्तम दल आहे, बीएसएफला प्रश्न विचारणे चुकीचे आहे. यासोबतच सीआरपीएफ मतदारांना मत देण्यापासून रोखत असल्याच्या ममतांच्या वक्तव्याचाही नोटिशीमध्ये जाब विचारण्यात आला आहे.
निवडणूक आयोगाचे म्हणणे आहे की, सीआरपीएफसह सर्व निमलष्करी दलांची निवडणुका घेण्यात, कायदा व सुव्यवस्था कायम ठेवून निष्पक्ष निवडणुका घेण्यात महत्त्वपूर्ण भूमिका आहे. आयोगाने म्हटले आहे की, ममता बॅनर्जी यांचे आरोप दुर्दैवी आहेत, यामुळे केवळ निवडणुकीदरम्यानच नव्हे तर केंद्रीय सुरक्षा दलावरील निवडणुकांनंतरही प्रश्न उपस्थित होतील.
निवडणूक आयोगाचे म्हणणे आहे की, ममता यांचे विधान निवडणूक आचारसंहितेचे तसेच भादंवि कलम 186, 189 आणि 505 चे उल्लंघन आहे. ममता बॅनर्जी यांनी निवडणूक आयोगाला 10 एप्रिल रोजी सकाळी 11 वाजेपर्यंत उत्तर देण्यास सांगितले आहे. ममता बॅनर्जी यांनी प्रतिसाद न दिल्यास त्यांच्यावर कारवाई केली जाईल, असे आयोगाचे म्हणणे आहे.
यापूर्वी निवडणूक आयोगाने ममता बॅनर्जी यांना मुस्लिमांचे विभाजन करू नये ‘या विधानावर नोटीस पाठविली. या नोटिशीवर ममता म्हणाल्या की, निवडणूक आयोगाने 10 नोटीस बजावल्या, तरी त्या त्यांच्या विधानावर ठाम आहेत. त्या म्हणाल्या, ‘ज्यांना बंगालला धर्म आणि पंथात विभाजित करायचं आहे त्यांच्याविरुद्ध मी माझा लढा सुरूच ठेवणार आहे.’
Another notice from Election Commission to Mamata Banerjee
महत्त्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more