UP Election 2022: फोडाफोडीत रंगलंय राज्य, मौर्य गेले अन् सैनी, यादव आले, भाजपचा सपा आणि काँग्रेसला धक्का। UP Election 2022 BJP gave a big blow to SP and Congress, got these MLAs included in the party

UP Election 2022: फोडाफोडीत रंगलंय राज्य, मौर्य गेले अन् सैनी, यादव आले, भाजपचा सपा आणि काँग्रेसला धक्का

उत्तर प्रदेशातील सहारनपूर जिल्ह्यातील बेहट येथील काँग्रेसचे आमदार नरेश सैनी, सिरसागंजमधील समाजवादी पक्षाचे आमदार हरिओम यादव आणि सपाचे माजी आमदार धरमपाल यादव यांनी भारतीय जनता पक्षात प्रवेश केला आहे. यावेळी यूपी भाजप अध्यक्ष स्वतंत्र देव सिंह यांच्यासह दोन्ही उपमुख्यमंत्री केशव प्रसाद मौर्य आणि दिनेश शर्मा उपस्थित होते. UP Election 2022 BJP gave a big blow to SP and Congress, got these MLAs included in the party

वृत्तसंस्था

लखनऊ : उत्तर प्रदेशातील सहारनपूर जिल्ह्यातील बेहट येथील काँग्रेसचे आमदार नरेश सैनी, सिरसागंजमधील समाजवादी पक्षाचे आमदार हरिओम यादव आणि सपाचे माजी आमदार धरमपाल यादव यांनी भारतीय जनता पक्षात प्रवेश केला आहे. यावेळी यूपी भाजप अध्यक्ष स्वतंत्र देव सिंह यांच्यासह दोन्ही उपमुख्यमंत्री केशव प्रसाद मौर्य आणि दिनेश शर्मा उपस्थित होते.

हरी ओम यादव यावेळी म्हणाले की, स्वामी प्रसाद मौर्य हे उडवलेले काडतूस असून उत्तर प्रदेशात भाजपचे सरकार स्थापन होणार आहे. मी बिनशर्त भाजपमध्ये प्रवेश केल्याचे ते म्हणाले. पक्ष मजबूत करणार. राम गोपाल यादवसारख्या लोकांमुळे सपा आता संपत आहे.

लखनऊ कोर्टाने सपना चौधरी विरोधात काढलं अटक वॉरंट ; २२ नोव्हेंबर रोजी सुनावणी होणार

दुसरीकडे नरेश सैनी म्हणाले की, भाजपच्या धोरणांनी प्रभावित होऊन भाजपमध्ये प्रवेश केला आहे. मुख्यमंत्री योगी आदित्यनाथ आणि पंतप्रधान नरेंद्र मोदी यांच्या नेतृत्वाने प्रभावित होऊन त्यांनी पक्षात प्रवेश केला. ते म्हणाले की, मी सपामध्ये जाणार असल्याची अफवा होती, मी जाणार नव्हतो.

याआधी काँग्रेस नेते इम्रान मसूद यांनी दावा केला होता की, आमदार मसूद अख्तर आता माझ्यासोबत आहेत आणि आमदार नरेश सैनी दिल्लीहून लखनऊला येणार आहेत. तेथे ते समाजवादी पक्षाचे सदस्यत्व घेणार आहेत.