”केजरीवाल सरकार गैरकृत्ये, भ्रष्टाचार आणि घोटाळ्यांमुळे संपत आहे” रविशंकर प्रसाद यांचा हल्लाबोल!

By, Sachin Sutar - November 1, 2023 10:00:25

0

“जसे तुम्ही कराल, तसे तुम्ही भराल.” असंही रविशंकर प्रसाद म्हणाले आहेत.

विशेष प्रतिनिधी

नवी दिल्ली : दिल्ली अबकारी धोरण प्रकरणात सत्येंद्र जैन आणि मनीष सिसोदिया हेही ईडीच्या चौकशीत आले आहेत. हे पाहता भारतीय जनता पक्षाने आम आदमी पक्षाच्या प्रमुखांना घेरले आणि मुख्यमंत्र्यांच्या परवानगीशिवाय एवढा मोठा घोटाळा अशक्य असल्याचे सांगितले. कथित अबकारी धोरण घोटाळ्याशी संबंधित मनी लॉन्ड्रिंग प्रकरणात ईडीने केजरीवाल यांना चौकशीसाठी समन्स बजावले आहे. Union Minister Ravi Shankar Prasad criticizes Kejriwal government

या समन्सवर अनेक नेत्यांनी प्रतिक्रिया व्यक्त केली, ज्यात माजी केंद्रीय मंत्री रविशंकर प्रसाद म्हणाले, “जसे तुम्ही कराल, तसे तुम्ही भराल.” पक्षाच्या मुख्यालयात पत्रकारांना संबोधित करताना प्रसाद यांनी आम आदमी पक्षाचे (आप) आरोपही फेटाळून लावले.

प्रसाद पुढे म्हणाले की, केजरीवाल यांच्या नेतृत्वाखाली स्थापन झालेले हे सरकार आपल्या ‘कुकर्म, भ्रष्टाचार आणि घोटाळ्यांनी’ स्वतःचा नाश करत आहे. आम आदमी पार्टीवरील केंद्रीय तपास यंत्रणांच्या टांगत्या तलवारीचा भाजपाशी काही संबंध नाही. कायदा आणि प्रशासन आपापली कामे करत आहेत.