तृणमूल काँग्रेस नेते अभिषेक बॅनर्जींना EDकडून पुन्हा समन्स, ९ नोव्हेंबरला चौकशीसाठी हजर राहण्याचे निर्देश!|TMC leader Abhishek Banerjee summoned again by ED

तृणमूल काँग्रेस नेते अभिषेक बॅनर्जींना EDकडून पुन्हा समन्स, ९ नोव्हेंबरला चौकशीसाठी हजर राहण्याचे निर्देश!

तृणमूल काँग्रेस नेते अभिषेक बॅनर्जींना EDकडून पुन्हा समन्स, ९ नोव्हेंबरला चौकशीसाठी हजर राहण्याचे निर्देश!

विशेष प्रतिनिधी

पश्चिम बंगालच्या मुख्यमंत्री ममता बॅनर्जी यांचे पुतणे आणि तृणमूल काँग्रेसचे (टीएमसी) राष्ट्रीय सरचिटणीस अभिषेक बॅनर्जी यांच्या अडचणी संपण्याची चिन्हे दिसत नाहीत. अंमलबजावणी संचालनालयाने (ईडी) त्यांना पुन्हा एकदा समन्स बजावून चौकशीसाठी बोलावले आहे. त्याची गुरुवारी (९ नोव्हेंबर) चौकशी होणार आहे. सूत्रांकडून मिळालेल्या माहितीनुसार, अभिषेक बॅनर्जी या चौकशीसाठी हजर राहणार आहेत.TMC leader Abhishek Banerjee summoned again by ED

मात्र, ईडीने त्यांना आता नेमकं कोणत्या प्रकरणात समन्स बजावले आहे, याबाबत कोणतीही ठोस माहिती मिळालेली नाही. तर, शाळा भरती घोटाळ्यात ईडी त्यांची चौकशी करत आहे आणि याआधी ३ ऑक्टोबरलाही त्याला समन्स बजावून बोलावण्यात आले होते.

तृणमूल काँग्रेसच्या खासदार नुसरत जहाँ यांची ED कडून चौकशी; फ्लॅट विक्रीत फसवणुकीचे प्रकरण

शिक्षक भरती घोटाळ्याप्रकरणी 3 ऑक्टोबर रोजी हजर राहण्यासाठी अभिषेक बॅनर्जींना या अगोदर समन्स बजावण्यात आले होते. मात्र, सरकारी योजनांच्या देयकाच्या विरोधात पक्षाने दिल्लीत केलेल्या आंदोलनामुळे ते ईडीसमोर हजर झाले नव्हते. यानंतर केंद्रीय एजन्सीने बुधवारी त्यांना नव्याने समन्स बजावले आहे.

ईडीने अभिषेक बॅनर्जी यांना चौकशीसाठी बोलावण्याची ही पहिलीच वेळ नाही. कोळसा घोटाळा आणि प्राण्यांची तस्करी प्रकरणी ईडीने त्यांना यापूर्वी अनेकदा समन्स बजावले आहेत. प्राथमिक शाळेतील नोकरी घोटाळ्यातील पैशांच्या व्यवहाराच्या तपासासंदर्भात त्यांना यापूर्वीच नोटिसा पाठवण्यात आल्या आहेत.

अभिषेक बॅनर्जी अनेकवेळा ईडीसमोरही हजर झालेले नाहीत. त्याचवेळी ईडीने अभिषेक बॅनर्जीची पत्नी रुजिरा यांचीही चौकशी केली आहे. मात्र, ही चौकशी कोळसा घोटाळ्याबाबत होती ज्यात काही परदेशी बँकांच्या खात्यांची माहिती मागवण्यात आली होती.