केजरीवाल सरकारने दिल्लीतील जनतेला दिली भेट, मोफत रेशन योजना सहा महिन्यांसाठी वाढवली

By, Sachin Deshmukh - November 6, 2021 04:22:36

0

कोरोना संकटाच्या काळात लोकांना मदत करण्यासाठी PMGKAY मार्च 2020 मध्ये सुरू करण्यात आली होती.The Kejriwal government extended a free ration scheme to the people of Delhi for six months

विशेष प्रतिनिधी

नवी दिल्ली : केंद्र सरकारच्या प्रधानमंत्री गरीब कल्याण अन्न योजनेअंतर्गत (पीएमजीकेवाय) मोफत रेशनचे वाटप ३० नोव्हेंबरनंतर होणार नाही, पण केजरीवाल सरकारने दिल्लीतील जनतेला मोठी भेट दिली आहे. दिल्ली सरकारने आपली मोफत रेशन योजना पुढील सहा महिन्यांसाठी वाढवण्याची घोषणा केली आहे.

मुख्यमंत्री अरविंद केजरीवाल यांनी शनिवारी ट्विट करून ही माहिती दिली. त्यांनी लिहिले की, महागाई खूप वाढली आहे. सर्वसामान्यांना दोन वेळची भाकरी मिळणेही कठीण झाले आहे. कोरोनामुळे अनेक लोक बेरोजगार झाले आहेत. पंतप्रधान, कृपया गरिबांना मोफत रेशन देण्याची ही योजना आणखी सहा महिने वाढवा. दिल्ली सरकार मोफत रेशन योजनेला सहा महिन्यांसाठी मुदतवाढ देत आहे.

अरविंद केजरीवाल हे “कॉपी मास्टर”; मोफत तीर्थयात्रांच्या घोषणेवरून गोव्याच्या मुख्यमंत्र्यांचे चिमटे

कोरोना संकटाच्या काळात लोकांना मदत करण्यासाठी PMGKAY मार्च 2020 मध्ये सुरू करण्यात आली होती. तीन महिन्यांसाठी लागू करण्यात आलेली ही योजना संकट कायम राहिल्याने नोव्हेंबर 2020 पर्यंत वाढवण्यात आली.

दुसऱ्या लाटेदरम्यान कारोनाचा विस्तार झाल्याने 2021 मध्ये कोरोनाच्या दुसर्‍या लाटेच्या संकटामुळे ते पुन्हा एकदा लागू करण्यात आले.यावेळी त्याचा कालावधी मे-जून या दोन महिन्यांचा होता. जेव्हा संकट अधिक गडद झाले तेव्हा ते पुन्हा नोव्हेंबर 2021 पर्यंत वाढविण्यात आले. या योजनेसाठी येत्या ३० नोव्हेंबर ही शेवटची तारीख आहे.

नोव्हेंबरच्या पुढे मुदतवाढीचा प्रस्ताव नाही : केंद्रीय अन्न सचिव

शुक्रवारी केंद्रीय अन्न सचिव सुधांशू पांडे यांनी सांगितले की OMSS धोरणांतर्गत अर्थव्यवस्थेतील सुधारणा आणि खुल्या बाजारात अन्नधान्याची चांगली विक्री लक्षात घेता PMGKAY द्वारे मोफत रेशन वितरणाचा कालावधी नोव्हेंबरच्या पुढे वाढवण्याचा कोणताही प्रस्ताव नाही.यानंतर मुख्यमंत्री केजरीवाल यांनी दिल्ली सरकारच्या या योजनेत वाढ करण्याची घोषणा केली.