WATCH : तामिळ अभिनेता विशालचे सेन्सॉर बोर्डावर गंभीर आरोप; 'मार्क अँटनी' चित्रपटाच्या हिंदी व्हर्जनच्या मंजुरीसाठी 6.5 लाख रुपयांची दिली लाच|Tamil Actor Vishal's Serious Allegation Against Censor Board; A bribe of Rs 6.5 lakh was paid for the approval of the Hindi version of the film 'Mark Antony'

WATCH : तामिळ अभिनेता विशालचे सेन्सॉर बोर्डावर गंभीर आरोप; ‘मार्क अँटनी’ चित्रपटाच्या हिंदी व्हर्जनच्या मंजुरीसाठी 6.5 लाख रुपयांची दिली लाच

विशेष प्रतिनिधी

मुंबई : सुप्रसिद्ध तामिळ अभिनेता विशालने CBFC (सेंट्रल बोर्ड ऑफ फिल्म सर्टिफिकेशन) मुंबईच्या अधिकाऱ्यांवर लाच घेतल्याचा आरोप केला आहे. विशालचा ‘मार्क अँटनी’ हा चित्रपट 15 सप्टेंबरला प्रदर्शित झाला आहे. हा तामिळ भाषेतील सायन्स फिक्शन चित्रपट आहे. या चित्रपटाची हिंदी आवृत्ती सेन्सॉरने पास करून घेण्यासाठी अधिकाऱ्यांना 6.5 लाख रुपयांची लाच द्यावी लागल्याचा आरोप त्यांनी केला आहे. विशालने सोशल मीडियावर स्वतःचा एक व्हिडिओ जारी करून हे सर्व आरोप केले आहेत.Tamil Actor Vishal’s Serious Allegation Against Censor Board; A bribe of Rs 6.5 lakh was paid for the approval of the Hindi version of the film ‘Mark Antony’

गुरुवारी, सोशल मीडियावर एक व्हिडिओ शेअर करताना अभिनेत्याने सांगितले की, CBFCच्या मुंबई कार्यालयात बसलेल्या अधिकाऱ्यांनी त्याचा नवा चित्रपट ‘मार्क अँटनी’च्या हिंदी आवृत्तीचे सेन्सॉर प्रमाणपत्र पास करण्यासाठी 6.5 लाख रुपयांची लाच मागितली. या चित्रपटासाठी बरेच काही पणाला लागल्यामुळे त्याच्याकडे दुसरा पर्याय नसल्याचे विशालने सांगितले.

तामिळनाडूत अण्णा द्रमूकने भाजपशी युती तोडणे म्हणजे आयता स्टार प्रचारक हातातून घालविणे!!

#Corruption being shown on silver screen is fine. But not in real life. Cant digest. Especially in govt offices. And even worse happening in #CBFC Mumbai office. Had to pay 6.5 lacs for my film #MarkAntonyHindi version. 2 transactions. 3 Lakhs for screening and 3.5 Lakhs for… pic.twitter.com/3pc2RzKF6l

— Vishal (@VishalKOfficial) September 28, 2023

व्हिडिओ अपलोड करताना विशालने लिहिले की, ‘रुपेरी पडद्यावर भ्रष्टाचार दाखवणे ठीक आहे, पण खऱ्या आयुष्यात तो पचवता येत नाही. विशेषत: सरकारी कार्यालयांमध्ये आणि CBFC मुंबई कार्यालयात याहून वाईट घडत आहे.

मार्क अँटनी या माझ्या चित्रपटाच्या हिंदी आवृत्तीसाठी मला दोन व्यवहारांमध्ये 6.5 लाख रुपये द्यावे लागले. यापैकी मी चित्रपटाच्या प्रदर्शनासाठी 3 लाख रुपये आणि प्रमाणपत्रासाठी 3.5 लाख रुपये दिले.

कष्टाचा पैसा भ्रष्टाचारात गेला : विशाल

विशाल पुढे म्हणाला, ‘मी हे माझ्यासाठी नाही तर इतर निर्मात्यांसाठी करत आहे. माझ्या कष्टाचा पैसा भ्रष्टाचारात गेला का? अजिबात नाही.. इथे मी सर्व पुरावे शेअर करत आहे. मला आशा आहे की नेहमीप्रमाणे सत्याचा विजय होईल.

पीएम मोदी आणि महाराष्ट्राच्या मुख्यमंत्र्यांना कारवाई करण्याचे आवाहन

व्हिडिओमध्ये विशालने महाराष्ट्राचे मुख्यमंत्री एकनाथ शिंदे आणि देशाचे पंतप्रधान नरेंद्र मोदी यांनाही कारवाई करण्याचे आवाहन केले आहे. यासोबतच त्याने ज्या खात्यांमध्ये 3 आणि 3.5 लाख रुपये स्वतंत्रपणे जमा केले आहेत त्यांचा तपशीलही अपलोड केला आहे. तामिळ चित्रपट ‘मार्क अँटोनी’ हा एक सायन्स फिक्शन चित्रपट आहे ज्यामध्ये विशाल दुहेरी भूमिकेत दिसत आहे. त्याच्याशिवाय एसजे सूर्या, रितू वर्मा आणि सुनील यांच्यासह अनेक कलाकार यात दिसत आहेत. हा चित्रपट दक्षिणेत चांगली कामगिरी करत आहे.