Senthil Balaji : ‘जामीन मंजूर अन् दुसऱ्याच दिवशी मंत्री बनवलं’

By, Pravin Wankhade - December 2, 2024 04:00:48

0

सेंथिल बालाजी प्रकरणात सर्वोच्च न्यायालयाने फटकारले

नवी दिल्ली : Senthil Balaji मनी लाँड्रिंग प्रकरणात जामीन आदेश मागे घेण्यासाठी सेंथिल बालाजीच्या याचिकेवर आज सर्वोच्च न्यायालयात सुनावणी झाली. जामीन मिळाल्यानंतर लगेचच व्ही. सेंथिल बालाजी यांना तामिळनाडू सरकारमध्ये मंत्रीपद मिळाल्याने न्यायालयाने आश्चर्य व्यक्त केले आहे. साक्षीदार काही दबावाखाली येऊ शकतात, अशी भीती न्यायालयाने व्यक्त केली आहे.Senthil Balaji

मनी लाँड्रिंग प्रकरणात सर्वोच्च न्यायालयाकडून जामीन मिळाल्यानंतर २६ सप्टेंबर रोजी सेंथिल बालाजीची तुरुंगातून सुटका झाली होती. २६ सप्टेंबरचा निर्णय मागे घेण्याची मागणी करणाऱ्या याचिकेवर आज सुप्रीम कोर्टात सुनावणी होती. सेंथिल बालाजीला मंत्री केले तर साक्षीदारांवर दबाव येऊ शकतो, या कारणावरुन सेंथिल बालाजीला जामीन देण्यात आलेला निर्णय मागे घेण्याची मागणी याचिकेत करण्यात आली होती.

Sadabhau Khot सदाभाऊ खोतांचा बाबा आढावांना सवाल- मुस्लिमबहुल भागात महायुतीला कमी मते मिळतात, तिथे EVM मविआसाठीच कसे सेट होते?

त्यावर सुनावणी करताना कोर्ट म्हणाले, ‘आम्ही जामीन मंजूर करतो आणि दुसऱ्या दिवशी तुम्ही मंत्री व्हाल, आता तुमच्या कॅबिनेट मंत्रिपदामुळे साक्षीदारावर दबाव असेल, असा समज होईल. हे काय होतंय?’ न्यायमूर्ती अभय ओका आणि न्यायमूर्ती ऑगस्टीन जॉर्ज मसिह यांच्या खंडपीठासमोर याचिकेवर सुनावणी झाली.

सुप्रीम कोर्टाने आज निर्णय घेण्यास नकार दिला आणि 13 डिसेंबरपर्यंत प्रकरणाची यादी केली. सेंथिल बालाजीला ज्या कायद्यानुसार जामीन देण्यात आला होता त्याचा फायदा इतर लोकांनाही झाला असल्याने तो निर्णय मागे घेणार नसल्याचे न्यायालयाने म्हटले आहे.