भारताच्या सर्वात शक्तिशाली लढाऊ विमानाला प्रगत तंत्रज्ञानाने करणार सुसज्ज, 2045 पर्यंत सुखोई-30 ताफ्यात ठेवण्याची तयारी|Sukhoi-30 to be in service by 2045 to equip India's most powerful fighter jet with advanced technology

भारताच्या सर्वात शक्तिशाली लढाऊ विमानाला प्रगत तंत्रज्ञानाने करणार सुसज्ज, 2045 पर्यंत सुखोई-30 ताफ्यात ठेवण्याची तयारी

वृत्तसंस्था

नवी दिल्ली : भारतीय हवाई दल सुखोई-30 एमकेआय फायटर जेटचे आयुर्मान 20 वर्षांनी वाढवण्यावर काम करत आहे. यासाठी चाचणी केली जात असून जेटमध्ये बदल करण्यात येत आहेत. हे रशियन लढाऊ विमान गेल्या दोन दशकांपासून भारतीय हवाई दलात आहे.Sukhoi-30 to be in service by 2045 to equip India’s most powerful fighter jet with advanced technology

संरक्षण अधिकार्‍यांनी सांगितले की SU-30MKI चे आयुष्य 20 वर्षांनी वाढवण्याचे काम सुरू आहे. यासाठी HAL (हिंदुस्तान एअरोनॉटिक्स लिमिटेड) ची मदत घेतली जात आहे.

हवाई दलाला मिळणार 12 नवीन सुखोई लढाऊ विमाने, 10 हजार कोटींची निविदा जारी

रशियन लढाऊ विमानांचे एअरफ्रेम आणि इतर घटक अतिशय मजबूत आहेत. हे अत्याधुनिक विमान, शस्त्रे आणि स्वदेशी विकसित विरुपाक्ष रडारने सुसज्ज आहे.

सरकारी सूत्रांनी सांगितले की, भारतीय हवाई दल आपल्या उपकरणांच्या यादीचे स्वदेशीकरण करण्याच्या मोहिमेवर सक्रियपणे काम करत आहे. लवकरच ती भारतीय कंपन्यांकडून 3 लाख कोटींहून अधिक किमतीची उपकरणे खरेदी करण्याच्या तयारीत आहे.

12 सुखोई लढाऊ विमानांची खरेदी

सप्टेंबर 2023 मध्ये भारत सरकारने 45,000 कोटी रुपयांच्या नऊ संरक्षण खरेदी प्रस्तावांना मंजुरी दिली होती. याअंतर्गत 12 सुखोई लढाऊ विमाने (Su-30 MKI) आणि ध्रुवस्त्र हवेतून पृष्ठभागावर मारा करणारी क्षेपणास्त्रे खरेदी केली जाणार आहेत. डॉर्नियर विमानही अपग्रेड केले जाईल.

नोव्हेंबर 2023 मध्ये, बाडमेरमधील उत्रलाई एअरबेसवर तैनात केलेल्या MiG-21 च्या स्क्वॉड्रनची जागा सुखाई-30 MKI च्या स्क्वाड्रनने बदलली. या एअरबेसवर सुखाई-३० एमकेआयचे दोन स्क्वॉड्रन तैनात आहेत. गेल्या 9 वर्षांत बाडमेर जिल्ह्यात 8 मिग विमाने कोसळली होती. यानंतर मिग-21 एअरबेसवरून हटवण्याची चर्चा सुरू झाली. व्यतिरिक्त, मिग-21 विमाने देशात इतर ठिकाणी तैनात आहेत.