तीन कोटी मराठे मुंबईत धडकणार‎; बीडमधील कार्यक्रमात मराठा आरक्षणाचे नेते मनोज जरांगे यांची घोषणा|Three crore Marathas will strike in Mumbai; Maratha reservation leader Manoj Jarange announced at a program in Beed

तीन कोटी मराठे मुंबईत धडकणार‎; बीडमधील कार्यक्रमात मराठा आरक्षणाचे नेते मनोज जरांगे यांची घोषणा

विशेष प्रतिनिधी

बीड : आम्ही 20 जानेवारीला मुंबईला निघणार‎ आहोत. तीन कोटी मराठे मुंबईत जातील‎. आमची दिशा मुंबई असून ध्येय मुंबई आहे.‎ केंद्र व राज्य सरकारमधील मंत्र्यांना श्रीरामाने‎ सुबुद्धी द्यावी असे साकडे घालणार आहोत.‎ आम्ही 22 जानेवारीला आनंद साजरा करू.‎ नंतर अयोध्येला जाऊन आनंद साजरा करू. ‎मराठे आता घरी राहणार नाहीत. मुंबईत‎ जाऊन मराठा आरक्षण घेतील, असे मराठा‎ आरक्षणाचे नेते मनोज जरांगे यांनी सांगितले.‎Three crore Marathas will strike in Mumbai; Maratha reservation leader Manoj Jarange announced at a program in Beed

मनोज जरांगेंची नेत्यांना पायाखाली तुडवण्याची भाषा; फडणवीसांना उघडे पाडण्याचा दिला इशारा!!

बीड शहरात एका विवाहाच्या निमित्ताने मनोज‎ जरांगे पाटील हे सोमवारी नववर्षाच्या पहिल्या‎ दिवशी आले होते. त्यांनी विवाह सोहळ्यानंतर माध्यमांशी संपर्क साधला. या वेळी बोलताना‎ जरांगे पाटील म्हणाले की, आमची दिशा मुंबई‎ असून ध्येय मुंबई आहे. महाराष्ट्रातील‎ मराठ्यांना आरक्षण द्यावे. बीडसह संपूर्ण‎ महाराष्ट्रातील घराघरातून मराठे मुंबईला निघतील.‎ आता मराठ्यांनी घर सोडले तर मराठ्यांची‎ पोरे मोठी दिसतील. त्यामुळे मुंबईत आता तीन‎ कोटी मराठे दिसतील, ते ताकदीने मुंबईला‎ जातील, असे मनोज जरांगे पाटील यांनी‎ बीडमध्ये सांगितले. मी मराठा समाजाला‎ आरक्षण मिळवून देणार आहे. मराठ्यांना‎ स्वत:ची पोरं मोठी केल्याशिवाय मुंबईला जाणे‎ हा पर्याय नाही. मराठा आरक्षण‎ मिळवण्यासाठी हे पहिले आणि शेवटचे‎ मराठा समाजाचे आंदोलन आहे. आमच्या 54 ‎लाख नोंदी राज्यात सापडल्या असून‎ महाराष्ट्रातील मराठा आणि कुणबी एकच‎ आहे, असेही ते म्हणाले.‎

छगन भुजबळांची ‎बीडमध्ये महासभा‎

काही दिवसांपूर्वी मराठा‎ आरक्षणाच्या आंदोलनाची दिशा ठरवण्यासाठी मनोज जरांगे‎ पाटील यांची बीडमध्ये सभा झाली‎ होती. त्या सभेमध्येच मुंबईला‎ जाण्याचा निर्णय घेण्यात आला.‎ त्यानंतर आता मंत्री छगन भुजबळ‎ यांचीदेखील बीडमध्येच महासभा‎ होणार असून या सभेसाठी महात्मा‎ फुले समता परिषदेकडून तयारी सुरू‎ करण्यात आली आहे. या सभेमध्ये‎ छगन भुजबळ काय बोलणार याकडे‎ सर्वांचे लक्ष लागले आहे.‎

‎मंत्री छगन भुजबळ यांची 13 ‎जानेवारी 2023 रोजी सभा होत‎ असून या सभेवर सोमवारी मनोज‎ जरांगे पाटील यांनी पहिली प्रतिक्रिया‎ दिली. ‘छगन भुजबळ यांना वेड‎ लागले असून लोकशाहीने ते सभा‎ घेऊ शकतात,’ असे जरांगे यांनी‎ म्हटले आहे. भुजबळ यांची सभा‎ होण्यापूर्वीच जरांगे यांनी त्यांच्यावर‎ निशाणा साधला आहे.‎