मोदी तामिळनाडू, लक्षद्वीप आणि केरळच्या दोन दिवसीय दौऱ्यावर जाणार

By, Pravin Wankhade - January 2, 2024 07:30:58

0

नेक विकास प्रकल्पांचे उद्घाटन आणि पायाभरणी करणार

विशेष प्रतिनिधी

नवी दिल्ली : पंतप्रधान नरेंद्र मोदी आज तामिळनाडू, केरळ आणि लक्षद्वीपच्या दौऱ्यावर जाणार आहेत. पंतप्रधान मोदी त्यांच्या दोन दिवसीय दौऱ्यात अनेक विकास प्रकल्पांचे उद्घाटन आणि पायाभरणी करणार आहेत. पंतप्रधान कार्यालयाने (PMO) दिलेल्या माहितीनुसार, मोदी आज तामिळनाडूतील भारतीदासन विद्यापीठाच्या 38 व्या दीक्षांत समारंभाला प्रमुख पाहुणे म्हणून उपस्थित राहणार आहेत.Modi will be on a two day tour of Tamil Nadu Lakshadweep and Kerala

पंतप्रधान नरेंद्र मोदींनी नववर्षाच्या शुभेच्छा दिल्या, देशवासियांना दिला हा खास संदेश

पुढील दोन दिवस तामिळनाडू, लक्षद्वीप आणि केरळचा दौरा करणार असल्याची माहिती पंतप्रधान मोदींनी ट्विटरवर दिली आहे. येथे मी विविध कार्यक्रमात सहभागी होणार आहे. या दौऱ्याची सुरुवात तामिळनाडूतील तिरुचिरापल्ली येथून होणार आहे. मी येथे भारतीदासन विद्यापीठाच्या दीक्षांत समारंभाला संबोधित करेन. विमानतळाच्या नवीन टर्मिनल इमारतीच्या उद्घाटनासोबतच अन्य विकासकामांचे उद्घाटनही मी करणार आहे. याचा फायदा अनेकांना होणार आहे. असं मोदींनी म्हटलं आहे.

पंतप्रधानांनी ट्विटमध्ये पुढे म्हटले आहे की, मी लक्षद्वीपच्या लोकांना भेटण्यास उत्सुक आहे. मी येथे 1150 कोटी रुपयांच्या प्रकल्पांचे उद्घाटन आणि पायाभरणी करीन, ज्यात उत्तम इंटरनेट कनेक्टिव्हिटी, शुद्ध पिण्याच्या पाण्याचा पुरवठा, सौर ऊर्जा, आरोग्य सेवा इत्यादींचा समावेश आहे.

PMO नुसार, तिरुचिरापल्ली येथे एका सार्वजनिक कार्यक्रमात पंतप्रधान विमान वाहतूक, रेल्वे, रस्ते, तेल आणि वायू, शिपिंग आणि उच्च शिक्षण क्षेत्राशी संबंधित 19,850 कोटी रुपयांच्या अनेक विकास प्रकल्पांची पायाभरणी करतील. तिरुचिरापल्ली आंतरराष्ट्रीय विमानतळाच्या नवीन टर्मिनल इमारतीचे उद्घाटन पंतप्रधान मोदी करणार आहेत. रुपये 1,100 कोटींहून अधिक खर्च करून विकसित केलेल्या, दोन-स्तरीय नवीन आंतरराष्ट्रीय टर्मिनल इमारतीची वार्षिक 44 लाखाहून अधिक प्रवाशांना आणि गर्दीच्या वेळेत एकाच वेळी सुमारे 3,500 प्रवाशांना सेवा देण्याची क्षमता आहे.

विमानतळासह, पंतप्रधान मोदी तामिळनाडूला अनेक रेल्वे प्रकल्प समर्पित करतील, ज्यात मदुराई ते तुतीकोरीनपर्यंतच्या 160 किमी रेल्वे लाईनचे दुहेरीकरण आणि रेल्वे लाईन विद्युतीकरणाच्या तीन प्रकल्पांचा समावेश आहे. यानंतर मोदी लक्षद्वीपमधील अगट्टी येथे जातील. येथे पंतप्रधान मोदी एका सार्वजनिक कार्यक्रमाला संबोधित करतील.