प्रियांका गांधींनी केला इस्रायलचा निषेध, पॅलेस्टाइनला दिला पाठिंबा, म्हणाल्या- नरसंहाराचा जगाने निषेध करावा|Priyanka Gandhi condemned Israel, supported Palestine, said the world should condemn genocide

प्रियांका गांधींनी केला इस्रायलचा निषेध, पॅलेस्टाइनला दिला पाठिंबा, म्हणाल्या- नरसंहाराचा जगाने निषेध करावा

वृत्तसंस्था

नवी दिल्ली : काँग्रेस नेत्या प्रियांका गांधी वाड्रा यांनी शुक्रवारी गाझा युद्धासाठी इस्रायल सरकारवर जोरदार हल्ला चढवला. गाझामध्ये इस्रायलने केलेल्या नरसंहाराविरोधात आवाज उठवावा आणि युद्धबंदीसाठी त्यांच्यावर दबाव टाकावा, असे आवाहन त्यांनी जागतिक समुदायाला केले आहे.Priyanka Gandhi condemned Israel, supported Palestine, said the world should condemn genocide

सोशल मीडियावर पोस्ट करत प्रियांका म्हणाल्या, “इस्रायलच्या हल्ल्याचा निषेध करणे ही जगातील प्रत्येक नागरिकाची आणि सरकारची जबाबदारी आहे. त्यांची कृती सुसंस्कृत जगात स्वीकारली जाऊ शकत नाही. गाझामध्ये नरसंहार होत आहे. महिला, निरागस मुलांचा आवाज, डॉक्टर, शिक्षक आणि पत्रकारांना दडपण्यात आले आहे.”

बंगाल मधून काँग्रेस संपवून ममता केरळच्या वायनाडमध्ये प्रियांका गांधींचा प्रचार करायला तयार!!

नेतान्याहूंवर निशाणा साधत काँग्रेस नेत्या म्हणाल्या, “इस्रायली पंतप्रधानांनी अमेरिकन संसदेत सांगितले की ही सभ्यता आणि रानटीपणा यांच्यातील लढाई आहे. ते अगदी बरोबर होते. इस्रायली सरकार आणि नेतान्याहू बर्बरता पसरवत आहेत आणि पाश्चात्य जग त्यांना समर्थन देत आहे. हे सर्व घडताना पाहून लाज वाटते.”

काँग्रेस कार्यकारिणीने इस्रायलच्या हल्ल्याचा निषेध केला होता

इस्त्रायलचे पंतप्रधान बेंजामिन नेतन्याहू यांच्या बुधवारी (24 जुलै) अमेरिकन संसदेत केलेल्या भाषणानंतर प्रियांका गांधींचे हे वक्तव्य आले आहे. यापूर्वी गेल्या वर्षी 7 ऑक्टोबर रोजी कार्यकारिणीच्या (CWC) बैठकीत काँग्रेस पक्षाने इस्रायलवरील हमासच्या हल्ल्यात पॅलेस्टाईनला पाठिंबा दिला होता.

सीडब्ल्यूसीच्या बैठकीनंतर काँग्रेसने ठराव मंजूर केला होता की, मध्यपूर्वेत सुरू असलेल्या युद्धात हजारो लोक मारले गेले आहेत, याचे आम्हाला दुःख आहे. CWC पॅलेस्टिनी लोकांच्या जमीन, स्व-शासन, स्वाभिमान आणि सन्मानाने जगण्याच्या हक्कांना समर्थन देत आहे.

नेतान्याहू म्हणाले होते – हमास हा राक्षस आहे, त्याने मुलांना जिवंत जाळले

24 जुलै रोजी अमेरिकन संसदेला आपल्या चौथ्या भाषणात नेतान्याहू म्हणाले होते, “7 ऑक्टोबर रोजी इस्रायलवर झालेला हल्ला हा अमेरिकेवरील 9/11च्या हल्ल्यासारखाच होता. त्या राक्षसांनी महिलांवर बलात्कार केला, पुरुषांची मुंडकी कापली आणि मुलांना जाळले. त्यांच्या प्रियजनांना त्यांच्या कुटुंबांसमोर मारले गेले.

इस्रायलचे युद्ध हे रानटीपणा आणि सभ्यता यांच्यातील लढाई असल्याचे नेतान्याहू म्हणाले होते. एका बाजूला मृत्यूची पूजा करणारे लोक आहेत आणि दुसऱ्या बाजूला जीवनाला पवित्र मानणारे आहेत. सभ्यतेच्या या लढाईत अमेरिका आणि इस्रायलने एकत्र उभे राहण्याची गरज आहे.