पीएम मोदींनी मीरा मांझीच्या कुटुंबीयांना पत्रासह भेटवस्तू पाठवल्या, अयोध्येत त्यांच्या घरी घेतला होता चहा PM Modi sent gifts along with a letter to Meera Manjhi's family

पीएम मोदींनी मीरा मांझीच्या कुटुंबीयांना पत्रासह भेटवस्तू पाठवल्या, अयोध्येत त्यांच्या घरी घेतला होता चहा

विशेष प्रतिनिधी

अयोध्या : 30 डिसेंबर रोजी अयोध्या दौऱ्यावर असताना पंतप्रधान नरेंद्र मोदी यांनी उज्ज्वला योजनेच्या 10 कोटीव्या लाभार्थी मीरा मांझी यांच्या घरी अचानक भेट दिली. त्यानंतर त्यांनी मीरा मांझी आणि सूरज मांझी यांच्यासोबत चहा घेतला. आता पीएम मोदींनी या जोडप्याला पत्रासह भेटवस्तू पाठवल्या आहेत. यामध्ये चहाचा सेट आणि ड्रॉइंग बुक आणि रंग यांचा समावेश आहे.

पंतप्रधान नरेंद्र मोदी यांनी मीरा मांझी यांना पत्र लिहून नवीन वर्षाच्या शुभेच्छा दिल्या आणि चहासाठी त्यांचे आभार मानले. उज्ज्वला योजनेचे तुम्ही 10 कोटीव्या लाभार्थी बनणे हा केवळ एक आकडा नाही, तर कोट्यवधी देशवासीयांच्या मोठ्या स्वप्नांच्या आणि संकल्पांच्या पूर्ततेचा दुवा म्हणून मी पाहतो, असेही पंतप्रधान म्हणाले.

पीएम मोदींचे मीरा मांझी यांना पत्र

तुम्हाला आणि तुमच्या कुटुंबातील सर्व सदस्यांना नवीन वर्ष 2024च्या हार्दिक शुभेच्छा. याशिवाय ते म्हणाले की, अयोध्येत आल्यानंतर मी तुमची मुलाखत अनेक टीव्ही चॅनेलवर पाहिली. तुमच्या कुटुंबीयांचा त्यातला विश्वास पाहून मला आनंद झाला.

चहाचा सेट आणि ड्रॉइंग बुक आणि रंग भेट म्हणून पाठवले

पंतप्रधान म्हणाले, ‘तुमच्यासारख्या माझ्या कुटुंबातील करोडो सदस्यांच्या चेहऱ्यावरील हे हास्य हेच माझे भांडवल आहे, सर्वात मोठे समाधान आहे, जे मला देशासाठी मनापासून काम करण्याची नवी ऊर्जा देते. मला पूर्ण विश्वास आहे की अमृत कालमध्ये, तुमच्यासारख्या आकांक्षांनी भरलेल्या करोडो देशवासीयांचा चैतन्य आणि उत्साह भव्य आणि विकसित भारताच्या उभारणीचे आमचे ध्येय साध्य करण्यात महत्त्वाची भूमिका बजावेल. मुलांना प्रेम आणि चांगल्या आरोग्याची कामना आणि कुटुंबाच्या उज्ज्वल भविष्यासाठी शुभेच्छा.