उष्णतेच्या लाटेचा परिणामकारक मुकाबला; पंतप्रधान मोदींनी घेतला सर्व तयारीचा आढावा!!

By, Pravin Pawar - April 12, 2024 07:30:46

0

विशेष प्रतिनिधी

नवी दिल्ली : देशात लोकसभेची निवडणूक सुरू असतानाच पुढचे तीन महिने प्रचंड उष्णतेच्या तीव्र लाटेचा सामना करावा लागण्याची चिन्हे आहेत. त्या उष्णतेच्या लाटेचा परिणामकारक मुकाबला करता यावा म्हणून सरकारी पातळीवरची सर्व यंत्रणा सक्षम करण्यासंदर्भात पंतप्रधान नरेंद्र मोदींनी आढावा बैठक घेऊन सक्त सूचना दिल्या. PM Modi reviewed the preparedness in the health sector in terms of essential medicines

देशातल्या सर्व राज्यांमध्ये अत्यावश्यक औषधे, इंट्राव्हेनस फ्लुइड्स, आइस पॅक, ओआरएस आणि पिण्याचे पाणी या बाबतीत सर्वोच्च प्राथमिकतेने काळजी घ्यावी, अशा सक्त सूचना पंतप्रधान मोदींनी सर्व संबंधित मंत्रालयांना दिल्या.

एप्रिल आणि जून दरम्यान उष्णतेच्या लाटेच्या दिवसांची संख्या दुप्पट होण्याचा इशारा दिल्यानंतर, पंतप्रधान नरेंद्र मोदी यांनी गुरुवारी उष्णतेच्या लाटेच्या हंगामासाठी तयारीचा आढावा घेण्यासाठी बैठक घेतली. त्या बैठकीला पंतप्रधानांच्या सचिवांपासून गृह मंत्रालयाचे सचिव, आरोग्य मंत्रालयाचे सचिव, हवामान खात्याचे प्रमुख यांच्यासह वरिष्ठ अधिकारी उपस्थित होते.

पुढची 10 वर्षे पंतप्रधान नरेंद्र मोदींचीच राजवट; अमित शाहांचा स्पष्ट निर्वाळा!!

पंतप्रधान कार्यालयाने दिलेल्या माहितीनुसार, बैठकीदरम्यान, पंतप्रधान मोदींना एप्रिल ते जून या कालावधीतील तापमानाच्या अंदाजाबाबत माहिती देण्यात आली, विशेषत: संपूर्ण भारतातील मध्य आणि पश्चिम द्वीपकल्पीय तापमान सामान्यपेक्षा बरेच अधिक राहण्याची शक्यता आहे. या पार्श्वभूमीवर आरोग्य क्षेत्रातील तयारीचाही समावेश करण्यात आला, ज्यामध्ये आवश्यक औषधे, अंतःस्नायु द्रवपदार्थ आणि पिण्याच्या पाण्याचा पुरेसा पुरवठा यांचा समावेश आहे. पंतप्रधान मोदींनी केंद्र, राज्य आणि जिल्हा-स्तरीय प्रशासन तसेच विविध मंत्रालये यांच्यात समन्वय साधत, एकसंध, संपूर्ण-सरकारी दृष्टिकोनाची आवश्यकता अधोरेखित केली. त्यांनी रुग्णालयांमध्ये पुरेशा तयारीसह जागरूकता निर्माण करण्यावर भर दिला. त्वरीत शोध आणि जंगलातील आग विझवण्याची गरज अधोरेखित केली.

देशात लोकसभा निवडणुकीच्या पार्श्वभूमीवर सर्वत्र मोठमोठ्या प्रचार सभा, राजकीय रॅली, प्रत्यक्ष मतदानाच्या दिवशी मतदान केंद्रांवर मोठ्या रांगा यामध्ये कोट्यवधी लोक घराबाहेर पडून रस्त्यावर असणार आहेत. त्यांना उष्णतेच्या लाटेचा मुकाबला करता येण्यासाठी सर्व प्रकारची सरकारची तयारी असली पाहिजे, याकडे पंतप्रधान मोदींनी सर्व वरिष्ठ अधिकाऱ्यांचे लक्ष वेधून सक्त सूचना दिल्या.

लोकसभा निवडणुकीसाठी 7 टप्प्यांतील मतदान 19 एप्रिलपासून सुरू होईल आणि 1 जून रोजी संपेल. पुढील तीन महिन्यांत तीव्र उष्णतेच्या लाटा येण्याचा अंदाज आहे. राज्य सरकारांसह सर्व संबंधितांनी विस्तृत तयारी केली आहे. अति उष्णतेच्या लाटेमुळे यापूर्वीही मोठ्या प्रमाणात जीव गमवावा लागला आहे. आमच्या तयारीची पातळी अनेक पटींनी वाढली आहे. आम्ही एक राष्ट्रीय आपत्ती व्यवस्थापन योजना घेऊन आलो आहोत, अशी माहिती आपत्ती व्यवस्थापन मंत्री किरण रिजीजू यांनी दिली.

या प्रदेशांना उष्णतेच्या लाटेचा धोका

गुजरात, मध्य महाराष्ट्र, उत्तर कर्नाटक, त्यानंतर राजस्थान, मध्य प्रदेश, उत्तर प्रदेश, छत्तीसगड, ओडिशा आणि आंध्र प्रदेश ही राज्ये सर्वाधिक उष्णतेची लाट प्रवण क्षेत्रे आहेत, असा इशारा IMD ने दिला आहे.