BRS नेत्या के. कविता यांच्या अडचणीत वाढ, सीबीआयने EDच्या ताब्यातून केली अटक!

By, Pravin Pawar - April 11, 2024 09:00:31

0

भारत राष्ट्र समिती नेत्या के कविता सध्या न्यायालयीन कोठडीत आहेत

विशेष प्रतिनिधी

नवी दिल्ली : तेलंगणाचे माजी मुख्यमंत्री KCR यांची मुलगी के कविता यांना CBIने गुरुवारी म्हणजेच आज दिल्ली मद्य धोरण प्रकरणात अटक केली. भारत राष्ट्र समिती नेत्या के कविता सध्या न्यायालयीन कोठडीत आहेत. गेल्या मंगळवारी म्हणजेच 9 एप्रिल 2024 रोजी न्यायालयाने के कविता यांच्या कोठडीत 23 एप्रिलपर्यंत वाढ केली होती. मागील न्यायालयीन कोठडीची मुदत संपल्यानंतर त्यांना न्यायालयात हजर करण्यात आले होते.BRS leader K Kavitas problem increased CBI arrested from ED’s custody!

काँग्रेस आणि BRSने मिळून तेलंगणाच्या विकासाच्या प्रत्येक स्वप्नाचा चुराडा केला – मोदी

गेल्या सोमवारी म्हणजेच ८ एप्रिल रोजी न्यायालयाने कविता यांना अंतरिम जामीन देण्यास नकार दिला होता. न्यायालयाचे म्हणणे होते की, त्यांच्याकडून साक्षीदारांवर प्रभाव टाकण्याचे काम झाल्याचे प्रथमदर्शनी दिसते, असे न्यायालयाने म्हटले आहे. यासोबतच पुरावे नष्ट करण्याचाही प्रयत्न करण्यात आला. अशा परिस्थितीत त्यांना दिलासा मिळाला तर त्या भविष्यातही हे करू शकतात.

वास्तविक, ईडीचा आरोप आहे की के कविता या दिल्ली उत्पादन शुल्क धोरणात सहभागी असलेल्या साऊथ ग्रुपच्या सदस्य आहेत. ज्यांच्यावर दिल्लीतील सत्ताधारी पक्ष AAPला मद्यचा परवाना मिळविण्यासाठी 100 कोटी रुपयांची लाच दिल्याचा आरोप आहे. सीएम अरविंद केजरीवाल आणि माजी उपमुख्यमंत्री मनीष सिसोदिया दिल्ली मद्य धोरणाशी संबंधित मनी लाँड्रिंग प्रकरणात तुरुंगात आहेत.

मद्य निर्मिती आणि अंमलबजावणीमध्ये कथित भ्रष्टाचार झाल्याचा दावा केंद्रीय तपास यंत्रणेने केला आहे. ईडीने आपचे राष्ट्रीय संयोजक केजरीवाल यांना या प्रकरणातील मुख्य सूत्रधार असल्याचे म्हटले आणि पक्षाचे अनेक नेते आणि मंत्री यात गुंतले आहेत. के कविता यांनी हे सर्व आरोप फेटाळून लावले आहेत. यावर कविता आणि आपचे म्हणणे आहे की, राजकीय सूडासाठी अशी कारवाई केली जात आहे.