ऑलिम्पिक मेडल जिंकणाऱ्या मनू भाकरच्या मनात सुरू होते गीतेचे श्लोक, फक्त कामगिरीवर लक्ष केंद्रित केले, निकालाची चिंता केली नाही Olympic medal winning Manu Bhakar's lyrics start in mind, focus only on performance, don't worry about result

ऑलिम्पिक मेडल जिंकणाऱ्या मनू भाकरच्या मनात सुरू होते गीतेचे श्लोक, फक्त कामगिरीवर लक्ष केंद्रित केले, निकालाची चिंता केली नाही

विशेष प्रतिनिधी

नवी दिल्ली : पॅरिस ऑलिम्पिकमध्ये भारताला पहिले पदक मिळवून देणाऱ्या मनू भाकरने सांगितले की, श्रीमद् भगवद्गीतेने तिला दबावाच्या परिस्थितीत संतुलित राहण्यास मदत केली. मनूने रविवारी महिलांच्या 10 मीटर एअर पिस्तूलमध्ये कांस्यपदक पटकावले आणि 12 वर्षांचा ऑलिम्पिक नेमबाजीतील पदकांचा दुष्काळ संपवला. नेमबाजीत ऑलिम्पिक पदक जिंकणारी ती पहिली भारतीय महिला ठरली. Olympic medal winning Manu Bhakar’s lyrics start in mind, focus only on performance, don’t worry about result

झज्जरच्या 22 वर्षीय मनूचे केवळ एका गुणाने रौप्यपदक हुकले. जेव्हा ती 221.7 गुणांसह बाहेर पडली तेव्हा ती दक्षिण कोरियाच्या रौप्य विजेत्या येजी किमपेक्षा (241.3 गुण) फक्त 0.1 गुणांनी मागे होती. शॉर्टच्या वेळी तुझ्या मनात काय चालले होते…? या प्रश्नाला उत्तर देताना मनू भाकर म्हणाली- ‘मी गीता खूप वाचलेली आहे, त्यामुळे मनात होतं की तुम्हाला जे काही चांगले करता यते ते करावं, आणि मी तेच केलं. बाकी देवावर सोडले होते. आपण नशिबाशी लढू शकत नाही. निकालावर नियंत्रण ठेवू शकत नाहीत.’ गीतेत भगवान कृष्णाने अर्जुनलाही सांगितले आहे की, ‘कर्म करा, फळाची चिंता करू नका.’

मनू भाकरने वयाच्या 16 व्या वर्षी जिंकले होते पहिले सुवर्ण

टोकियोच्या निराशेतून सावरायला खूप वेळ लागला

मनू भाकर म्हणाली- ‘टोकियोनंतर मी खूप निराश झाले होते. त्यावर मात करायला मला खूप वेळ लागला. आज मला खूप आनंद झाला की मी कांस्य जिंकू शकलो आणि कदाचित पुढच्या वेळी त्याचा रंग चांगला असेल. मला खूप छान वाटतंय. भारत या पदकाची बऱ्याच दिवसांपासून वाट पाहत होता. माझा यावर विश्वास बसत नाही.’ टोकियो ऑलिम्पिक-2021 च्या पात्रतावेळी पिस्तूल तुटले होते. त्यानंतर मनूला टीकेला सामोरे जावे लागले होते.

मनुच्या वक्तव्यातील ठळक मुद्दे…

‘भारत शक्य तितक्या अधिक पदकांना पात्र आहे. ही भावना आश्चर्यकारक आहे. यासाठी खूप मेहनत घ्यावी लागते.
‘शेवटच्या शॉटमध्ये मी माझ्या सर्व शक्तीनिशी लक्ष्य ठेवले होते. कदाचित मी पुढील स्पर्धांमध्ये आणखी चांगली कामगिरी करू शकेन.
‘माझ्या पाठीशी उभे राहिल्याबद्दल सर्व मित्र, नातेवाईक आणि हितचिंतकांचे आभार. त्याच्यामुळेच मी इथे आहे. तुम्ही सर्वांनी माझे आयुष्य खूप सोपे केले आहे. मी माझे प्रशिक्षक जसपाल सर आणि माझ्या इतर प्रशिक्षकांचे आभार मानू इच्छिते.”