दहशतवादी पन्नूविरुद्ध NIAचा FIR; एअर इंडियाच्या विमानांमध्ये जिवाला धोका, दिल्ली विमानतळ बंद करण्याची धमकी

By, Pravin Wankhade - November 21, 2023 12:30:47

0

वृत्तसंस्था

नवी दिल्ली : नॅशनल इन्व्हेस्टिगेशन एजन्सी (NIA) ने घोषित दहशतवादी आणि शीख फॉर जस्टिसचा (SFJ) म्होरक्या गुरपतवंत सिंग पन्नू विरुद्ध गुन्हा दाखल केला आहे. पन्नूने नुकताच एक व्हिडिओ जारी केला होता आणि एअर इंडियाच्या फ्लाइटमध्ये प्रवास करू नका असे सांगितले होते. एअर इंडियामध्ये प्रवास केल्यास तुमच्या जीवाला धोका होऊ शकतो, असे पन्नू म्हणाला होता. तसेच 19 नोव्हेंबर रोजी त्याने दिल्लीतील इंदिरा गांधी आंतरराष्ट्रीय विमानतळ (IGIA) बंद करण्याची धमकी दिली होती.NIA’s FIR against terrorist Pannu; Air India flights threatened to close, Delhi airport threatened

NIA ने पन्नूवर IPC च्या कलम 1208, 153A आणि 506 आणि बेकायदेशीर कृत्य (प्रतिबंध) कायदा (UAPA), 1967 च्या कलम 10, 13, 16, 17, 18, 188 आणि 20 अंतर्गत गुन्हा दाखल केला आहे. पन्नूच्या धमकीनंतर एअर इंडियाची उड्डाणे ज्या देशांत चालतात त्या देशांच्या सुरक्षा यंत्रणांना अलर्ट जारी करण्यात आला.

‘NIA’कडून दहशतवादी गुरपतवंत सिंग पन्नू विरोधात गुन्हा दाखल!

चंदीगड विमानतळावर खलिस्तानी घोषणा

19 नोव्हेंबरला मोहालीतील चंदीगड विमानतळाबाहेर खलिस्तान झिंदाबादच्या घोषणा लिहिलेल्या आढळल्या. पन्नू यांनी व्हिडिओ जारी करून याची जबाबदारी घेतली होती. तो म्हणाला की, आज एअर इंडियाच्या विमानांवर बहिष्कार टाकण्यात येणार आहे. SFJ ला अमृतसर-अहमदाबाद -दिल्ली विमानतळावर प्रवेश आहे. शीख राष्ट्राच्या हिताचे रक्षण करण्यासाठी 19 नोव्हेंबरनंतर एअर इंडियासोबत उड्डाण करू नका, कारण त्यामुळे भावी शीख पिढ्यांना धोका निर्माण होईल.

दिल्ली विमानतळाचे नाव बदलण्याची धमकी

पन्नूने 4 नोव्हेंबर रोजी एक व्हिडिओ जारी केला होता ज्यामध्ये म्हटले होते की, भारताने शीखांवर अत्याचार केले आहेत. पंजाबला भारतापासून वेगळे केल्यानंतर ते दिल्ली विमानतळाचे नाव बदलून बेअंत सिंग, सतवंत सिंग यांच्या नावावर ठेवतील. बेअंत सिंग आणि सतवंत सिंग हे माजी पंतप्रधान इंदिरा गांधी यांचे अंगरक्षक होते. या दोघांनी 31 ऑक्टोबर रोजी पंतप्रधान इंदिरा गांधी यांची गोळ्या झाडून हत्या केली होती.

2019 पासून SFJ बंदी

भारत सरकारच्या गृह मंत्रालयाने 10 जुलै 2019 रोजी SFJ वर UAPA अंतर्गत बेकायदेशीर संघटना म्हणून बंदी घातली होती. 1 जुलै 2020 रोजी पन्नूचा भारत सरकारने वैयक्तिक दहशतवाद्यांच्या यादीत समावेश केला होता.

एनआयएने सप्टेंबर 2019 नंतर पन्नूविरोधात पहिला गुन्हा दाखल केला होता. 29 नोव्हेंबर 2022 रोजी त्यांना पीओ म्हणून घोषित करण्यात आले. 2023 मध्ये NIA ने पन्नूचे अमृतसर आणि चंदीगडमधील घर आणि जमीन जप्त केली होती. ३ फेब्रुवारी २०२१ रोजी एनआयए विशेष न्यायालयाने पन्नूविरुद्ध अजामीनपात्र वॉरंट जारी केले होते.