NIAने रशीद इंजिनियर यांना खासदार म्हणून शपथ घेण्यास दिली संमती!

By, Pravin Wankhade - July 2, 2024 09:00:18

0

अतिरिक्त सत्र न्यायाधीश चंदर जीत सिंह यांनी रशीद इंजिनियर यांच्या अर्जावर 2 जुलै रोजी निकाल देण्याचे आदेश दिले आहेत

विशेष प्रतिनिधी

नवी दिल्ली: NIAने जम्मू-काश्मीरमधील टेरर फंडिंग प्रकरणातील आरोपी आणि नुकत्याच झालेल्या लोकसभा निवडणुकीत खासदार म्हणून निवडून आलेले रशीद इंजिनियर यांना लोकसभा सदस्य म्हणून शपथ घेण्यास संमती दिली आहे.NIA has heartily agreed to the oath taken by Rashid Engineer as MP

लंडनमधील भारतीय उच्चायुक्तालयावरील हल्ल्यातील मुख्य आरोपीस NIAने केली अटक

एनआयएने पटियाला हाऊस कोर्टात सांगितले की, रशीद इंजिनियर यांनी 25 जुलै रोजी खासदार म्हणून शपथ घेण्यास आपला कोणताही आक्षेप नाही. अतिरिक्त सत्र न्यायाधीश चंदर जीत सिंह यांनी रशीद इंजिनियर यांच्या अर्जावर 2 जुलै रोजी निकाल देण्याचे आदेश दिले आहेत.

सुनावणीदरम्यान एनआयएने न्यायालयाला सांगितले की, रशीद इंजिनियर यांना काही अटींसह शपथ घेण्याची परवानगी द्यावी. एनआयएने सांगितले की, रशीद इंजिनियर यांनी एका दिवसाच्या अंतरिम जामीनादरम्यानच शपथ घ्यावी. त्यादरम्यान त्यांनी माध्यमांशी बोलू नये. रशीद यांच्या याचिकेवर सुनावणी करताना न्यायालयाने ६ जून रोजी एनआयएला नोटीस बजावली होती.

रशीद इंजिनियर यांनी 2024 च्या लोकसभा निवडणुकीत जम्मू-काश्मीरचे माजी मुख्यमंत्री ओमर अब्दुल्ला यांचा सुमारे एक लाख मतांनी पराभव करून विजय मिळवला आहे. रशीद इंजिनियर सध्या दिल्लीतील तिहार तुरुंगात बंद आहे. रशीद इंजिनियरला एनआयएने २०१६ मध्ये अटक केली होती.